US Nuclear Missile Testing: અમેરિકાના રાષ્ટ્રપ્રમુખ ડોનાલ્ડ ટ્રમ્પના હાલના જ પરમાણુ શસ્ત્રો અંગેના નિવેદને દુનિયાને હચમચાવી નાખી છે. 30 ઓક્ટોબર, 2025 ના રોજ ટ્રમ્પે 33 વર્ષ પછી સૈન્યને પરમાણુ પરીક્ષણ ફરી શરૂ કરવાનો આદેશ આપ્યો હતો. એ પછી તરત જ યુએસ એરફોર્સના ગ્લોબલ સ્ટ્રાઈક કમાન્ડે મિનિટમેન-3 ICBM મિસાઈલના પ્રક્ષેપણની તૈયારીઓ શરૂ કરી હતી.
આ પણ વાંચો: વધુ એક દેશ પર ભીષણ હુમલાની તૈયારીમાં અમેરિકા? 20 વર્ષ જૂનું નેવલ બેઝ ફરી એક્ટિવ
આ પરીક્ષણ 5 કે 6 નવેમ્બર, 2025 ના રોજ કેલિફોર્નિયાના વેન્ડેનબર્ગ સ્પેસ ફોર્સ બેઝથી કરવામાં આવશે. આ મિસાઈલ હથિયાર વગરની હશે અને માર્શલ ટાપુઓમાં ક્વાજાલીન એટોલ પર રોનાલ્ડ રીગન બેલિસ્ટિક મિસાઈલ ડિફેન્સ ટેસ્ટ સાઇટને નિશાન બનાવશે. આ એક નિયમિત પરીક્ષણ છે, જે મિસાઈલની વિશ્વસનીયતા અને તૈયારીનું પરીક્ષણ કરશે.
શા માટે ફરીથી પરીક્ષણ : ટ્રમ્પ
ટ્રમ્પે કહ્યું કે રશિયા, ચીન અને પાકિસ્તાન જેવા દેશો પરમાણુ પરીક્ષણો કરી રહ્યા છે, જેથી અમેરિકાએ પાછળ ન રહેવું જોઈએ. તેમણે પેન્ટાગોનને તાત્કાલિક પરીક્ષણ ફરી શરૂ કરવા માટે કહ્યું હતું. જો કે, ઊર્જા વિભાગે સ્પષ્ટતા કરી કે વિસ્ફોટક પરીક્ષણો તાત્કાલિક નહીં થાય.
ટ્રમ્પના આ આદેશ વ્યાપક પરમાણુ પરીક્ષણ-પ્રતિબંધ સંધિ (CTBT) હેઠળની વ્યાપક નીતિનો ભાગ છે. CTBT એ તમામ પરમાણુ પરીક્ષણો પર પ્રતિબંધ મૂકવાનો આંતરરાષ્ટ્રીય કરાર છે, પરંતુ અમેરિકાએ તેનો સંપૂર્ણ રીતે અમલ કર્યો નથી. ટ્રમ્પનું નિવેદન કોલ્ડ વોરની યાદ અપાવે છે, જ્યારે અમેરિકા અને સોવિયેત સંઘ શસ્ત્રોની સ્પર્ધામાં રોકાયેલ છે.
'ટ્રમ્પનું લક્ષ્ય રાષ્ટ્રીય સુરક્ષાને મજબૂત કરવાનું છે'
નિષ્ણાતોનું કહેવું છે કે, ટ્રમ્પનું લક્ષ્ય રાષ્ટ્રીય સુરક્ષાને મજબૂત કરવાનું છે. અમેરિકા પાસે વિશ્વમાં સૌથી વધુ પરમાણુ શસ્ત્રો છે, પરંતુ તેનું પરીક્ષણ સિમ્યુલેશન દ્વારા કરવામાં આવી રહ્યું છે. ટ્રમ્પ ટેકનોલોજીને અપડેટ કરવા માટે વાસ્તવિક પરીક્ષણ કરવા માંગે છે. પરંતુ ટીકાકારો ચિંતિત છે કે, આ શસ્ત્રોની સ્પર્ધાને વધારી શકે છે અને શાંતિને જોખમમાં મૂકી શકે છે.
મિનિટમેન-3: અમેરિકાના પરમાણુ શક્તિનું પ્રતીક
મિનિટમેન-3 એક આંતરખંડીય બેલિસ્ટિક મિસાઇલ (ICBM) છે. આ જમીન પરથી છોડવામાં આવે છે અને 13,000 કિલોમીટર દૂર સુધી નિશાન સાંધી શકે છે. તે પરમાણુ હથિયાર વહન કરી શકે છે, પરંતુ આ પરીક્ષણ કોઈ હથિયાર વિનાનું હતું. તે અમેરિકાના જમીન-આધારિત પરમાણુ અવરોધકનો મુખ્ય ઘટક છે.
આ પણ વાંચો: કેનેડાનો ખતરનાક પ્લાન, લાખો ભારતીયો ટેન્શનમાં, અમેરિકા પણ આ મામલે પાડોશીની કરશે મદદ
આ પરીક્ષણનો હેતુ: સુરક્ષા, હુમલો નહીં: સેના
USAF (United States Air Force) નું ગ્લોબલ સ્ટ્રાઈક કમાન્ડ પરમાણુ બોમ્બર, મિસાઈલ અને સબમરીનનું સંચાલન કરે છે. CTBT હેઠળ આ પરીક્ષણ કાયદેસર છે, કારણ કે તેમાં કોઈ વિસ્ફોટ થતો નથી. તેનો હેતુ મિસાઈલની તૈયારી સાબિત કરવાનો છે. જો કોઈ દુશ્મન હુમલો કરે છે, તો યુએસ તરત જ જવાબ આપી શકે છે.
ટ્રમ્પના આદેશને ધ્યાનમાં રાખીને આ પરીક્ષણ સમયસર લાગે છે. જોકે, USAF ભાર મૂકે છે કે તે ટ્રમ્પના નિવેદન સાથે સીધુ જોડાયેલ નથી, પરંતુ લાંબા ગાળાની નીતિ સાથે જોડાયેલો છે. તેમ છતાં વિશ્વ જોઈ રહ્યું છે. રશિયા અને ચીને અમેરિકાના પગલા સામે ચેતવણી આપી છે. સંયુક્ત રાષ્ટ્ર કહે છે કે આવા પરીક્ષણો તણાવ વધારે છે.
