'પેરિસ ટૂંક સમયમાં એક મુસ્લિમ શહેર બની જશે...', ફ્રાન્સમાં હિંસા વચ્ચે ટ્રમ્પનું નિવેદન

Donald trump and France News : ફ્રાંસ સળગી રહ્યું છે, ત્યારે અમેરિકાના પ્રમુખ ટ્રમ્પે તે માટે ત્યાંના વસાહતીઓને જવાબદાર કહ્યા છે. તેઓએ સ્પષ્ટ શબ્દોમાં કહ્યું ઇસ્લામ ફ્રાંસ પર કબજો જમાવવા માંગે છે. સાથે તેઓએ પોતે જ પહેલા કહેલી વાત પણ કરી હતી અને કહ્યું હતું કે, કેટલાક દેશોના વસાહતીઓ મારા દેશમાં અશાંતિ ફેલાવી રહ્યા છે, સામાજિક સમસ્યાઓ ઉભી કરી રહ્યા છે.

ટ્રમ્પે પોતાના સોશ્યલ મીડીયા પ્લેટફોર્મ ટ્રૂથ-સોશ્યલ ઉપર લખ્યું કે ફ્રાંસ સળગી રહ્યું છે. તદ્દન જુદી દુનિયાથી આવેલા લોકો જેઓનાં હૃદયમાં નફરત ભરેલી છે, તેઓ એક સમયે મહાન ગણાતા દેશને તબાહ કરી રહ્યાં છે. ફ્રાંસે પોતાની સરહદો બંધ કરવી જ જોઈએ અને બહુ મોડું થાય તે પહેલા પરિસ્થિતિ ઉપર કાબુ મેળવી લેવો જોઈએ.

ફ્રાંસના ગૃહ પ્રધાન લૌરેન્ટ નુનેજે રવિવારે એક્સ પર જણાવ્યું હતું કે લગભગ 1800 લોકોની ધરપકડ થઇ છે. હવે તેઓની ઓળખ માટે કાર્યવાહી ચાલે છે, જેથી તેઓને ન્યાયના કઠેડામાં લાવી શકાય. પેરિસમાં પોલીસે જણાવ્યું કે, રેકોર્ડ 855 લોકોને ગિરફતાર કરાયા છે. સડકો ઉપર સાઇકલો, ડસ્ટબિન્સ તથા અન્ય ચીજોથી બનાવાયેલા બેરિકેડસ જોવા મળે છે. પેરિસ અને અન્ય શહેરોમાં બુરખા પહેરેલા યુવાનોએ કેટલીએ દુકાનો લૂંટી છે, પોલીસો, ફાયર બ્રિગેડના માણસો તથા પેરા મેડિકલ સહિત 500થી વધુ ઘાયલ થયા છે.

ઉપપ્રમુખ જે.ડી. વેન્સે પણ કહ્યું હતું કે, ત્યાં પશ્ચિમી દેશોના ઉદારમતવાદીઓએ વિવિધતા અને કરૂણાના નામે ત્રીજી દુનિયાના લોકોને ફ્રાંસ અને અન્ય દેશોમાં વસાવી દીધા છે. તે વસાહતીઓએ જ સમાજમાં હળી મળીને રાખવા જેવી બાબતોને પુરેપુરી નજર અંદાજ કરી છે. આવા મુળભૂત પ્રશ્નો અંગે પહેલા જ ચેતવણી આપવામાં આવી હતી. પરંતુ તેમણે કોઇનું સાંભળ્યું જ નહીં. તેઓએ આગળ કહ્યું, ફ્રાંસ જે અદ્ભૂત દેશ છે સંઘ દેશ છે તે પાગલપનને રોકે નહીં તો ત્યાંની મહત્વની ઐતિહાસિક ઇમારતો પણ ભસ્મ થઇ જશે.
વાન્સે તો આ ગેરકાયદે વસાહતીઓને એક હુમલો કહ્યો હતો.