બાંગ્લાદેશમાં ઓરીનો પ્રકોપ: અત્યાર સુધીમાં 1,147 લોકોના મોત, અન્ય દેશો માટે ગંભીર ખતરાનું એલર્ટ
Summarized by AI; it may make mistakes. Check important info
Summarized by AI; it may make mistakes. Check important info
Bangladesh Measles Outbreak 2026 Death Toll 1147: બાંગ્લાદેશમાં ઓરીનો પ્રકોપ સતત વધી રહ્યો છે, જેના કારણે અત્યાર સુધીમાં 1,147 લોકોના મોત નીપજ્યા છે. વર્લ્ડ હેલ્થ ઓર્ગેનાઈઝેશનના ડેટા અનુસાર, માર્ચ 2026 થી 9 ઓક્ટોબર 2026 વચ્ચે બાંગ્લાદેશમાં ઓરીના 2,02,000 શંકાસ્પદ કેસ નોંધાયા છે, જેમાંથી 22,000 કેસની પુષ્ટિ લેબ ટેસ્ટિંગ દ્વારા થઈ છે. મૃત્યુ પામેલા લોકોમાંથી 94 ટકા પાંચ વર્ષથી ઓછી વયના બાળકો હતા. આ સ્થિતિને પહોંચી વળવા માટે આરોગ્ય અધિકારીઓએ UNICEF અને WHO સાથે મળીને બાળકો માટે મોટા પાયે ઇમરજન્સી વેક્સિનેશન કેમ્પેઇન શરૂ કર્યું છે.
WHOની સલાહ અને વેક્સિનેશનમાં ઘટાડો
WHOના જણાવ્યા મુજબ, આ રોગચાળાને રોકવા માટે 95 ટકા વેક્સિનેશન કવરેજ હોવું જરૂરી છે. જોકે, 2025 માં રાજકીય અસ્થિરતા અને વહીવટી અવરોધોના કારણે બાંગ્લાદેશમાં રસીકરણ કવરેજમાં નોંધપાત્ર ઘટાડો થયો હતો. WHO ના રસી સલાહકાર પ્રોફેસર માર્ક જીતે ચેતવણી આપી છે કે, આ સ્થિતિ માત્ર એક દેશ પૂરતી મર્યાદિત નથી, પરંતુ નબળી આરોગ્ય પ્રણાલી ધરાવતા તમામ દેશો માટે મોટો ખતરો છે.
અમેરિકામાં પણ હજારો દર્દીઓ નોંધાયા
આ પરિસ્થિતિ માત્ર બાંગ્લાદેશ પૂરતી સીમિત નથી. સંયુક્ત રાજ્ય અમેરિકામાં પણ 2026 માં ઓરીના કેસો પાછલા ત્રણ દાયકાના ઉચ્ચતમ સ્તરે પહોંચી ગયા છે. ઓક્ટોબર 2026 સુધીના ડેટા મુજબ, યુએસએમાં ઓરીના 4,410 થી વધુ કેસોની પુષ્ટિ થઈ છે. સૌથી વધુ પ્રકોપ પેન્સિલવેનિયા રાજ્યમાં જોવા મળ્યો છે, જ્યાં 1,200 થી વધુ કેસો સામે આવ્યા છે. ચેપગ્રસ્ત લોકોમાંથી અંદાજે 96 ટકા એવા લોકો હતા, જેમણે MMR રસી નહોતી લીધી.
ઓરીના લક્ષણો
ઓરી વાયરસથી ફેલાતો હવાજન્ય રોગ છે, જેના મુખ્ય લક્ષણો નીચે મુજબ છે.
105 ડિગ્રી ફેરનહીટ સુધીનો તીવ્ર તાવ.
સૂકી ઉધરસ અને નાક વહેવું.
આંખો લાલ થવી (કંજંકટિવાઇટિસ).
મોંની અંદર નાના સફેદ ધબ્બા (કોપ્લિક સ્પોટ્સ).
ચહેરા અને કાનની પાછળથી શરૂ થઈને સમગ્ર શરીર પર લાલ/જાંબલી રંગના ચકામાં પડવા.
