કિમ જોંગ અને પુતિને ડિફેન્સ ડીલ કરી ટ્રમ્પનું ટેન્શન વધાર્યું, અમેરિકાના દબાણ આગળ નહીં નમે રશિયા

Russia-Ukraine War: ઉત્તર કોરિયાના નેતા કિમ જોંગ ઉન અને રશિયાના પ્રમુખ વ્લાદિમીર પુતિને એક પરસ્પર સંરક્ષણ સમજૂતી પર હસ્તાક્ષર કર્યા છે. ઉત્તર કોરિયાએ યુક્રેન પર માસ્કોના પૂર્ણ આક્રમણનું સમર્થન કરવા માટે રશિયાના સૈનિક, દારૂ-ગોળો અને મિસાઇલ પણ મોકલી હતી. ઉત્તર કોરિયાના નેતા કિમ જોંગ ઉને કહ્યું કે, તેમના દેશ અને રશિયા વચ્ચે સૈન્ય ભાઈચાર કોઈપણ ખલેલ વિના આદળ વધશે. સરકારી મીડિયા KCNAએ શુક્રવારે આ વિશે જાણકારી આપી હતી.

મૉસ્કો માટે ઉત્તર કોરિયાના સૈનિકોએ કર્યુ યુદ્ધ

અહેવાલ અનુસાર, ઉત્તર કોરિયાના સૈનિકો માટે એક સ્મારકના શિલાન્યાસ સમારોહમાં ભાષણ દરમિયાન તેમણે આ ટિપ્પણી કરી હતી. આ સૈનિકોએ મૉસ્કો સાથે ચાલી રહેલા યુદ્ધ દરમિયાન રશિયાના કુર્સ્ક વિસ્તારમાં સૈનિકો સથે લડાઈ કરી હતી. 

આ પણ વાંચોઃ હૈદરાબાદ-બેંગ્લુરુ હાઈવે પર કરુણાંતિકા, બાઈક સાથે ટક્કર બાદ બસમાં આગ, 11ના મોત

લગભગ 2000 ઉત્તર કોરિયાના સૈનિકોનું મોત

એક અનુમાન છે કે, ઉત્તર કોરિયાએ રશિયાથી આર્થિક અને સૈન્ય ટેક્નિકલ મદદની બદલે યુદ્ધમાં 10,000થી વધુ સૈનિક તૈનાત કર્યા હતા. દક્ષિણ કોરિયાની ગુપ્ત એજન્સીએ સપ્ટેમ્બરમાં અનુમાન લગાવ્યું હતું કે, યુદ્ધમાં લગભગ 2000 ઉત્તર કોરિયાના સૈનિકોના મોત નિપજ્યા હતા. 

અમેરિકાના દબાણમાં નહીં ઝૂકે

રશિયાના પ્રમુખ વ્લાદિમીર પુતિને ગુરૂવારે કહ્યું કે, રશિયા ક્યારેય અમેરિકા અથવા અન્ય દેશના દબાણમાં આવીને નહીં ઝૂકે. રશિયાની અંદર કોઈપણ હુમલાનો જવાબ ખૂબ જ ગંભીર અને જબરદસ્ત હોય છે. 

આ પણ વાંચોઃ બિહાર બાદ વધુ પાંચ રાજ્યોમાં SIR પ્રક્રિયા શરૂ, 2026માં યોજાશે વિધાનસભા ચૂંટણી

પ્રાદેશિક હુમલા પર ગંભીર જવાબ

ડોનાલ્ડ ટ્રમ્પ વહીવટી તંત્ર દ્વારા યુક્રેનને પશ્ચિમી સહયોગી દ્વારા આપવામાં આવી અમુક લાંબા અંતરની મિસાઇલોના ઉપયોગ પરના પ્રતિબંધ હટાવવા અને યુક્રેની પ્રમુખ વોલોદિમીર ઝેલેન્સકીની 3,000 કિલોમીટરની ઘરેલું મિસાઇલો સંબંધિત પુતિને કહ્યું કે, આ તણાવ વધારવાનો પ્રયાસ છે. પરંતુ જો આવા શસ્ત્રોનો ઉપયોગ રશિયન પ્રદેશ પર હુમલો કરવા માટે કરવામાં આવશે, તો જવાબ ખૂબ ગંભીર હશે. તેઓએ તેના વિશે વિચારવું જોઈએ.