Get The App

VIDEO: 738 દિવસ બાદ હમાસની કેદમાંથી છૂટેલા ઇઝરાયલી યુવકને જોઈને ગર્લફ્રેન્ડ ભેટી પડી, સર્જાયા ભાવુક દ્રશ્યો

Updated: Oct 14th, 2025

GS TEAM

Google News
Google News
Israeli Couple Reunites after 738 days


Israeli Couple Reunites after 738 days: ઇઝરાયલમાં 2 વર્ષ (738 દિવસ) પછી એક કપલ, અવિનાટન અને અરગમાનીનું ભાવુક મિલન થયું. 7 ઓક્ટોબર, 2025ના હુમલા પછી હમાસે અવિનાટનને બંધક બનાવ્યો હતો. હમાસે શાંતિ સમજૂતી હેઠળ 20 ઇઝરાયલી બંધકો સાથે અવિનાટનને મુક્ત કર્યો છે. ઇઝરાયલી ડિફેન્સ ફોર્સ (IDF) એ તેમના ખુશીભર્યા મિલનનો વીડિયો શેર કર્યો છે.

હમાસે શાંતિ સમજૂતી હેઠળ 20 ઇઝરાયલી બંધકોને મુક્ત કર્યા

ઇઝરાયલ અને હમાસ વચ્ચેના શાંતિ સમજૂતી અંતર્ગત હમાસે 20 ઇઝરાયલી બંધકોને મુક્ત કર્યા છે. આ યાદીમાં એક નામ અવિનાટનનું પણ સામેલ છે. 7 ઓક્ટોબર 2025ના રોજ ઇઝરાયલ પર હુમલા પછી હમાસે અવિનાટન અને અરગમાનીને બંદી બનાવ્યા હતા.

હમાસના કબજામાંથી અવિનાટન મુક્ત

ઇઝરાયલ ડિફેન્સ ફોર્સ (IDF)એ અરગમાનીને ગયા વર્ષે મુક્ત કરાવી લીધી હતી, પરંતુ અવિનાટન હમાસના કબજામાં હતો. જોકે, હવે હમાસે 20 બંધકોની સાથે અવિનાટનને પણ છોડી દીધો છે. અવિનાટન અને અરગમાનીના મળવાનો વીડિયો સામે આવ્યો છે, જેમાં બંને એકબીજા સાથે ખુશીથી ઝૂમતા જોવા મળી રહ્યા છે.

નોવા ફેસ્ટિવલમાં અલગ થયેલું કપલ 2 વર્ષ બાદ મળ્યું

આ વીડિયો શેર કરતાં IDF એ લખ્યું કે, 'નોઆ અરગમાની અને અવિનાટન આખરે ફરી મળી ગયા છે.' 7 ઓક્ટોબર 2025ના રોજ અરગમાની અને અવિનાટન નોવા સંગીત સમારોહમાં પહોંચ્યા હતા. આ દરમિયાન હમાસે ઇઝરાયલ પર હુમલો કરી દીધો. હુમલા પછી સમગ્ર સમારોહમાં અફરાતફરી મચી ગઈ અને કપલ અલગ થઈ ગયું.

અરગમાનીનું અપહરણ, અવિનાટનની જાણકારી નહોતી

હમાસના લડાયકો અરગમાનીને બાઇક પર બળજબરીથી બેસાડીને પોતાની સાથે ગાઝા લઈ ગયા. અરગમાની સતત અવિનાટન વિશે પૂછી રહી હતી, તેને ખબર નહોતી કે અવિનાટનનું શું થયું? અવિનાટન જીવિત છે કે નહીં અને જો છે તો ક્યાં છે?

આ પણ વાંચો: ગાઝા શાંતિ ડીલ પર ટ્રમ્પે 20 દેશોના નેતાઓ પાસે હસ્તાક્ષર કરાવ્યા, પણ હજુ આ પાંચ મુદ્દા પર મડાગાંઠ

245 દિવસની કેદ બાદ અરગમાની મુક્ત

ચીની મૂળની ઇઝરાયલી નાગરિક અરગમાનીને IDFએ ગયા વર્ષે 245 દિવસની કેદ પછી મુક્ત કરાવી. ત્યારથી અરગમાની ઇઝરાયલના બંધકોને છોડાવવા માટે ગુહાર લગાવી રહી હતી. ગાઝામાંથી વીડિયો સામે આવ્યા પછી અરગમાનીને ખબર પડી કે અવિનાટન હમાસની કેદમાં છે. ત્યાં, હવે હમાસે તેને મુક્ત કરી દીધો છે.

VIDEO: 738 દિવસ બાદ હમાસની કેદમાંથી છૂટેલા ઇઝરાયલી યુવકને જોઈને ગર્લફ્રેન્ડ ભેટી પડી, સર્જાયા ભાવુક દ્રશ્યો 2 - image

Tags :