દુનિયામાં કોરોનાના દર્દીઓની સંખ્યા 15 લાખનો આંક વટાવી ગઈ, ચીનમાં 63 નવા કેસ
Updated: Apr 9th, 2020
GS TEAM
વોશિંગ્ટન, તા. 9 એપ્રિલ 2020, ગુરુવાર
દુનિયાભરમાં કોરોના વાયરસનો કોહરામ યથાવત છે. દુનિયાના 192 દેશોમાં પહોંચેલા કોરોના વાયરસના દર્દીઓની સંખ્યા 15 લાખને પાર કરી ગઈ છે.
જાણકારી પ્રમાણે દુનિયામાં હાલમાં કોરોનાના 15.02 લાખ દર્દીઓ છે. કોરોનાએ દુનિયામાં 87000 લોકોનો ભોગ લીધો છે.
દુનિયામાં અત્યારે સૌથી ખરાબ સ્થિતિ અમેરિકાની છે.જ્યાં એક જ દિવસમાં 1973 લોકોના મોત થયા છે. હવે અમેરિકામાં મરનારાની સખ્યા 14000ને પાર કરી ગઈ છે. અમેરિકામાં મોતને આંક સ્પેન કરતા વધી ગયો છે. જ્યારે ઈટાલીમાં 17699 લોકોના મોત થઈ ચુક્યા છે.
ચીનમાં પણ ફરી એક વખત કોરોનાના 63 દર્દીઓ જોવા મળતા દહેશત વધી ગઈ છે. બીજી તરફ યુનાઈટેડ નેશન્સની સિક્યુરિટી કાઉન્સિલમાં કોરોનાના કારણે સર્જાયેલી સ્થિતિ પર આજે રાતે ચર્ચા થવાની છે.
