નવી દિલ્હી,તા.4 જાન્યુઆરી 2023,બુધવાર
કોરોનાનો SARS-CoV-2 વાયરસ મગજ સહિત સમગ્ર શરીરમાં ફેલાય છે અને લગભગ આઠ મહિના સુધી રહે છે. કોવિડ-19ના કારણે મૃત્યુ પામેલા લોકોના મૃતદેહના ટીશ્યુ સેમ્પલના વિશ્લેષણમાં આ વાત સામે આવી છે.યુએસ નેશનલ ઇન્સ્ટિટ્યૂટ ઑફ હેલ્થ (NIH) ના સંશોધકોએ એપ્રિલ 2020 થી માર્ચ 2021 દરમિયાન હાથ ધરાયેલા પોસ્ટમોર્ટમ નમૂનાઓનું પરીક્ષણ કર્યું. તેઓએ ચેપગ્રસ્ત 11 લોકો પાસેથી મગજ સહિત નર્વસ સિસ્ટમના વિસ્તૃત નમૂના લીધા હતા.
તમામ દર્દીઓ કોવિડ-19થી મૃત્યુ પામ્યા છે. તપાસમાં એ પણ બહાર આવ્યું છે કે કોવિડ-19 સામે કોઈને રસી આપવામાં આવી નથી. અજમાયશ દરમિયાન, 38 દર્દીઓના લોહીના પ્લાઝ્માએ SARS-CoV-2 ચેપની પુષ્ટિ કરી. જેમાંથી ત્રણ સંક્રમિત હતા જેમને પ્લાઝમા આપવામાં આવ્યા હતા.
