ચીને શોધ્યો ચામાચીડિયામાં નવો કોરોના વાયરસ, કોવિડ-19ની જેમ લાવશે મહામારી?

China Detects New Corona virus Variant: ચીનના વૈજ્ઞાનિકોએ ચામાચીડિયામાં નવો કોરોના વાયરસ શોધી કાઢ્યો છે, જેનાથી દુનિયાભરમાં હડકંપ મચેલો છે. પાંચ વર્ષ પહેલા ચીનના વુહાનથી કોરોના વાયરસ સમગ્ર દુનિયામાં ફેલાયો હતો, જેમાં લાખો લોકોના મોત થયા હતા. વિશ્વ સ્વાસ્થ્ય સંગઠને કોવિડ-19ને વૈશ્વિક મહામારી સુધી જાહેર કરી દીધો હતો. હાલમાં જે નવો કોરોના વાયરસ શોધાયો છે, તે પણ જાનવરોમાંથી માણસોમાં ફેલાઈ શકે છે. આ કોવિડ-19ના કારણે બનનારા વાયરસની જેમ જ માનવ રિસેપ્ટરનો ઉપયોગ કરે છે. તેવામાં સવાલ ઉઠવા લાગ્યા છે કે આ પણ શું પહેલા વાળા કોવિડ-19ની જેમ હાહાકાર મચાવશે?

નવી સ્ટડીનું નેતૃત્વ શી ઝેંગલીએ કર્યું છે. શી એક મોટા વાયરોલૉજિસ્ટ છે અને જેમને બૈટ કોરોના વાયરસ પર ઊંડા રિસર્ચ માટે ઓળખવામાં આવે છે. એટલા માટે તેમનું નામ પણ 'બેટવુમન' પણ રખાયું છે.

સાઉથ ચાઈના મોર્નિંગ પોસ્ટના અનુસાર, શી ઝેંગલીએ ગુઆંગઝોઉ લેબમાં ગુઆંગઝોઉ એકેડમી ઑફ સાઇન્સ, વુહાન ઈન્ટરનેશનલ યુનિવર્સિટી અને વુહાન ઇન્સ્ટીટ્યૂટ ઑફ વાયરોલોજીના વૈજ્ઞાનિકોની સાથે મળીને રિસર્ચ કર્યું છે.

આ પણ વાંચો: અમેરિકામાં ફ્લૂનો કહેર, એક વર્ષમાં 2.9 કરોડ કેસ નોંધાયા, 16000થી વધુના મોતથી હાહાકાર

શીને વુહાન સંસ્થાનમાં તેમના કામ માટે ઓળખવામાં આવે છે. વુહાનની જ કોવિડની ઉત્પત્તિનો વિવાદ કેન્દ્રમાં રહ્યો છે. એક સિદ્ધાંત એ સૂચવે છે કે કોરોના વાયરસ આ શહેરમાં એક પ્રયોગશાળામાંથી લીક થવાના કારણે ફેલાયો હતો. જો કે, વાયરસની ઉત્પત્તિ પર હજુ સુધી કોઈ સહમતિ બની નથી, પરંતુ કેટલાક રિસર્ચથી જાણી શકાયું છે કે, આ ચામાચીડિયામાં ઉત્પન્ન થયો અને એક મધ્યમવર્તી પશુના માધ્યમથી મનુષ્યોમાં ફેલાયો. 

શીએ આ વાતથી ઈનકાર કર્યો છે કે, આ પ્રકોપ માટે સંસ્થાનને દોષિત ઠેરવવામાં આવી શકે છે. લેટેસ્ટ રિસર્ચ HKU5 કોરોના વાયરસની એક નવી વંશાવલી છે, જેને પહેલીવાર હોંગકોંગમાં જાપાની પિપિસ્ટ્રેલ ચામાચીડિયામાં શોધાયો હતો.

આ નવો વાયરસ મેરબેકોવાયરસ સબજેનસથી આવે છે, જેમાં મધ્ય પૂર્વ શ્વસન સિન્ડ્રોમ (મર્સ) ઉત્પન્ન કરનારા વાયરસ પણ સામેલ છે. આ વાયરસ માનવ એન્જિયોટેન્સિન કન્વર્ટિંગ એન્ઝાઈમ (ACE2)થી જોડાવામાં સક્ષમ છે, જે Sars-CoV-2 વાયરસ દ્વારા ઉપયોગ કરાતા રિસેપ્ટ છે, જે કોવિડ-19નું કારણ બને છે, કોશિકાઓને સંક્રમિત કરવા માટે.

આ પણ વાંચો: ગામના સરપંચે કરી અનોખી ઓફર, મચ્છરના મૃતદેહ લાવો અને ઇનામ મેળવો

જણાવી દઈએ કે, કોરોના વાયરસને લઈને હાલમાં અમેરિકન ગુપ્તચર એજન્સી CIAએ મોટો દાવો કર્યો હતો. તેણે કહ્યું હતું કે, કોરોના મહામારી નેચરલ નથી, પરંતુ આ વાયરસ લેબથી જ નીકળ્યો હતો. પોતાના પહેલા કાર્યકાળ દરમિયાન ટ્રમ્પે પણ કોરોના વાયરસને ચીની વાયરસ કહ્યો હતો.