For Real Time Updates and Better ExperienceDownload the app Now!
Download the app Now!

ધૂમ્રપાન છોડવાથી કેન્સરનું જોખમ 17% ઘટાડી શકાય છે, આ બીમારીઓથી પણ આપે છે રક્ષણ

ધૂમ્રપાન સ્વાસ્થ્ય માટે હાનિકારક છે

તેમજ ધૂમ્રપાન છોડવાથી શ્વસન તંત્ર પણ સુધરે છે

Updated: Feb 8th, 2024


Quitting smoking may reduce cancer risk: આપણી આસપાસના ઘણા લોકોની જીવનશૈલીનો ભાગ ધૂમ્રપાન બની ગયું છે. એક અભ્યાસ સામે આવ્યો છે જેમાં જણાવવામાં આવ્યું છે કે ધૂમ્રપાન છોડવાથી કેન્સરનું જોખમ 17 ટકા ઓછું થઈ શકે છે. જાણીએ તેના અન્ય ફાયદાઓ...

તાત્કાલિક સ્વાસ્થ્ય સુધાર 

ધૂમ્રપાન છોડ્યા પછી તરત જ તમારા સ્વાસ્થ્ય પર સારી અસરો થવાનું શરૂ થાય છે. આ તમારા લોહીમાં કાર્બન મોનોક્સાઇડનું સ્તર ઘટાડે છે, જે તમારા ધબકારા અને બ્લડ પ્રેશરને નિયંત્રિત કરવામાં મદદ કરે છે.

શ્વસનતંત્રની રિકવરી

ધૂમ્રપાન છોડવાના પ્રથમ થોડા અઠવાડિયામાં તમારી શ્વસનતંત્રમાં સુધારો થવા લાગે છે. આ ફેફસાંની કામગીરીમાં સુધારો કરે છે, જે શ્વાસ લેવામાં તકલીફ અને ઉધરસ જેવા લક્ષણોને ઘટાડે છે. આ ઉપરાંત, ચેપનું જોખમ પણ ઘણું ઓછું થાય છે.

રોગપ્રતિકારક શક્તિ વધારવી

ધૂમ્રપાન તમારી રોગપ્રતિકારક શક્તિને વધુ ખરાબ કરે છે, આથી ધૂમ્રપાન છોડવાથી રોગપ્રતિકારક શક્તિ મજબૂત બને છે. જેનાથી તમારા એકંદર આરોગ્યમાં સુધારો થાય છે.

સ્વાદ અને ગંધમાં સુધારો

ધૂમ્રપાન ગંધ અને સ્વાદેન્દ્રિયને બગાડે છે, પરંતુ ધૂમ્રપાન છોડ્યા પછી આ ઇન્દ્રિયો તેમની તીવ્રતા પાછી મેળવી શકે છે. 

તંદુરસ્ત ચમકતી ત્વચા આપે 

ધૂમ્રપાન કરવાથી વૃદ્ધત્વની પ્રક્રિયા ઝડપી બની જાય છે. જેના કારણે ત્વચામાં અકાળ કરચલીઓ દેખાવા લાગે છે અને તેનો રંગ ફિક્કો પડી જાય છે. આવી સ્થિતિમાં ધૂમ્રપાન છોડી દેવાથી રક્ત પ્રવાહમાં સુધારો કરે છે અને ઓક્સિજન પૂરું પાડે છે, જે કરચલીઓ ઘટાડે છે અને તમને તંદુરસ્ત ચમકતી ત્વચા આપે છે.

લાંબા ગાળાના સ્વાસ્થ્ય લાભો

ધૂમ્રપાન છોડવાથી તમને લાંબા ગાળાના ફાયદા મળે છે. એક દાયકા સુધી ધૂમ્રપાન ન કરવાથી ફેફસાં, અન્નનળી અને મૂત્રાશય જેવા વિવિધ કેન્સરનું જોખમ ઓછું થાય છે. આ સિવાય ક્રોનિક ઓબ્સ્ટ્રક્ટિવ પલ્મોનરી ડિસીઝ (COPD) જેવા ક્રોનિક રોગોની શક્યતા પણ વધી જાય છે.


Gujarat