અમદાવાદ સહિત 10 જિલ્લામાં વરસાદનું રેડ ઍલર્ટ, ભારે પવન અને કડાકા-ભડાકા સાથે થશે મેઘમહેર

Gujarat Rain Forecast: ગુજરાતમાં છેલ્લાં ત્રણ ચાર દિવસથી વરસાદ ચાલુ છે, ત્યારે વીજળી પડવાથી, વાવાઝોડાના કારણે તથા અન્ય કેટલાંક કારણોથી રાજ્યમાં છેલ્લા બે દિવસમાં 18 જેટલા નાગરિકોના મૃત્યુ થયા છે. આ ઉપરાંત ભારે વરસાદને પગલે નેશનલ ડિઝાસ્ટર રેસ્ક્યુ ફોર્સ(એન.ડી.આર.એફ.)ની 12 ટીમ જિલ્લામાં, જ્યારે સ્ટેટ ડિઝાસ્ટર રેસ્ક્યુ ફોર્સ(એસ.ડી.આર.એફ.)ની ટીમ 20 જિલ્લામાં ઉતારવામાં આવી છે. આ દરમિયાન બુધવારે અમદાવાદ સહિત 8 જિલ્લામાં ભારે વરસાદ માટે રેડ ઍલર્ટ અપાયું છે.

60 તાલુકામાં 1 ઇંચથી વધુ વરસાદ

મંગળવારે દિવસ દરમિયાન 208 તાલુકામાં મેઘમહેર થઈ હતી. જેમાં બોટાદના બરવાળામાં સૌથી વધુ 7.50 ઇંચ વરસાદ પડ્યો હતો. બીજી બાજુ સુરેન્દ્રનગરના ઇંચ સહિત કુલ 6.50 ઇંચ વરસાદ નોંધાયો હતો. આજે કુલ 60 તાલુકામાં 1 ઇંચથી વધુ વરસાદ પડ્યો હતો. સૌથી વધુ વરસાદ પડ્યો તેમાં મુખ્યત્ત્વે બોટાદ, સુરેન્દ્રનગરના મૂળી-થાનગઢ-ચુડા, જામનગરના જોડિયા, ભાવનગરના ઉમરાળા-વલ્લભીપુર, બોટાદના રાણપુર, કચ્છના ગાંધીધામ-નખત્રાણા-અંજાર, અમદાવાદના ધંધુકા-ધોલેરા, આણંદના બોરસદ-પેટલાદ-ખંભાત, મોરબીના હળવદનો સમાવેશ થાય છે. 

આ પણ વાંચોઃ Ahmedabad Plane Crash : 140 ડૉક્ટરોએ 12 કલાકમાં તમામ પોસ્ટમોર્ટમ કર્યા, 3 સિવાય તમામ મૃતદેહ સળગેલા હતા

હવામાન વિભાગે આપ્યું રેડ ઍલર્ટ

હવામાન વિભાગની હવામાનની આગાહી મુજબ, બુધવારે (18 જૂન) વરસાદની આગાહી કરી છે. જેમાં ગુજરાતના 10 જિલ્લામાં રેડ ઍલર્ટ જાહેર કરવામાં આવ્યું છે. આ સિવાય, 18 જિલ્લામાં ઑરેન્જ ઍલર્ટ  અને 6 જિલ્લામાં યલો ઍલર્ટ આપવામાં આવ્યું છે. 

• રેડ ઍલર્ટઃ અમદાવાદ, સુરેન્દ્રનગર, મોરબી, બોટાદ, ભાવનગર, આણંદ, ભરુચ, સુરત, જૂનાગઢ, પોરબંદર.
• ઑરેન્જ ઍલર્ટઃ કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, ખેડા, વડોદરા, તાપી, સુરત, વલસાડ, દાદરા અને નગર હવેલી, દમણ, જામનગર, રાજકોટ, દ્વારકા, અમરેલી, ગીર સોમનાથ, અમરેલી.
• યલો ઍલર્ટઃ મહીસાગર, દાહોદ, પંચમહાલ, છોટા ઉદેપુર, નર્મદા, ડાંગ.

આવતીકાલે કેવું રહેશે વાતાવરણ? 

હવામાન વિભાગે ગુરુવારે (19 જૂન) દક્ષિણ ગુજરાતના 6 જિલ્લામાં ઑરેન્જ ઍલર્ટ જાહેર કર્યું છે. જેમાં સુરત, નવસારી, ડાંગ, વલસાડ, દમણ અને દાદરા અને નગર હવેલીમાં ભારે વરસાદની આશંકા છે. આ સિવાય ગુજરાતના 9 જિલ્લામાં યલો ઍલર્ટ જાહેર કરવામાં આવ્યું છે. જેમાં સાબરકાંઠા, અરવલ્લી, મહીસાગર, દાહોદ, તાપી, ભરુચ, ભાવનગર, અમરેલી, ગીર-સોમનાથ અને દીવમાં ભારે વરસાદની આગાહી છે. 

આ પણ વાંચોઃ Ahmedabad Plane Crash : દીકરાનો મૃતદેહ તો મળ્યો પણ પીડિત પરિવારને વળતર ન મળ્યું

મંગળવારે ક્યાં વધારે વરસાદ?