શિક્ષણ સહાયક ભરતી: ઉમેદવારો માટે શાળા પસંદગી પ્રક્રિયાનો આજે છેલ્લો દિવસ, રાત્રે 11:59 સુધી અરજી કરી શકાશે

Teaching Assistant Recruitment-2024 Gujarat : ગુજરાત શિક્ષણ વિભાગ દ્વારા બહાર પાડવામાં આવેલી સરકારી ઉચ્ચતર માધ્યમિક શિક્ષણ સહાયક ભરતી-2024 પ્રક્રિયા હાથ ધરવામાં આવી હતી. જેમાં ધોરણ 11-12 માટે 1645 શિક્ષકોની નિમણૂકનો અંતિમ તબક્કો છે, ત્યારે ભરતીનું ફાઇનલ પરિણામ જાહેર થયા બાદ ઉમેદવારોને શાળા પસંદગી પ્રક્રિયા માટેની તારીખ લંબાવ્યા બાદ આજે 17 મે છેલ્લો દિવસ છે. ઉમેદવારો આજે શનિવારે રાત્રે 11:59 સુધીમાં શાળા પસંદગી માટે ઓનલાઈન અરજી કરી શકશે.

શિક્ષકો માટે શાળા પસંદગી પ્રક્રિયાનો આજે છેલ્લો દિવસ 

સરકારી ઉચ્ચતર માધ્યમિક શિક્ષણ સહાયક ભરતી 2024ની ભરતીમાં ફાઈનલ પરિણામ બાદ ઉમેદવારોને શાળા પસંદગીની પ્રક્રિયા શરૂ છે, ત્યારે શાળા પસંદગી માટે આજે શનિવારે અંતિમ તારીખ છે. ઉમેદવારો ઓનલાઈન શાળા પસંદગી માટેની વિગતે સૂચના hgv.gserc.in  આ લીંક પરથી મેળવી શકશે. જ્યારે ઓનલાઈન શાળા પસંદગી કરવા માટે ઉમેદવારોએ hgv.gserc.in  આ લીંક પર ક્લિક કર્યા બાદ લોગઈન કરીને આજે શનિવારે રાત્રે 11:59 સુધીમાં શાળા પસંદગી માટે અરજી કરી શકશે. 

અગાઉ બે દિવસ માટે તારીખ લંબાવાઈ હતી

સરકારી ઉચ્ચતર માધ્યમિક શિક્ષણ સહાયક ભરતી 2024નું ફાઇનલ પરિણામ જાહેર થયા બાદ શિક્ષકોને શાળા પસંદગી પ્રક્રિયા માટેની તારીખ 15 મે, 2025 હતી. જોકે, પછી શિક્ષણ વિભાગે તારીખ લંબાવીને  17 મે, 2025ની રાત્રી 11:59 સુધીમાં શાળા પસંદગી માટે પોર્ટલ ખુલ્લા રાખવામાં આવ્યું હતું. જ્યારે આગામી 20 મે પહેલા નિમણૂક હુકમ આપવાનો શિક્ષણ વિભાગનો નિર્ણય છે. 

આ પણ વાંચો: શિક્ષકો માટે શાળા પસંદગી પ્રક્રિયાની અંતિમ તારીખ લંબાવાઈ, જાણો ફોર્મ ભરવાની રીત

ગુજરાત રાજ્ય શિક્ષણ વિભાગ દ્વારા તાજેતરમાં સરકારી ઉચ્ચતર માધ્યમિક શાળાઓને લઈને 1608 જગ્યાઓ માટે ભરતી પ્રક્રિયા હાથ ધરી હતી. જેમાં પછીથી અન્ય 3000 જગ્યા વધારવામાં આવી હતી. આમ 1645 જગ્યા સરકારી શાળા માટે અને 4330 જગ્યા ગ્રાન્ટેડ શાળાઓ માટે ભરતી પ્રક્રિયા હાથ ધરી હતી.