અમદાવાદ: ધો.12ની પરીક્ષામાં વિદ્યાર્થિની મોબાઈલ સાથે ઝડપાઈ, કૉપી કેસ નોંધાયો, ખંડ નિરીક્ષક સસ્પેન્ડ
Summarized by AI; it may make mistakes. Check important info
Summarized by AI; it may make mistakes. Check important info
Gujarat Board Exams: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આયોજિત ધોરણ 10 અને 12ની પરીક્ષાનો 26મી ફેબ્રુઆરીથી પ્રારંભ થયો છે. આજે(28 ફેબ્રુઆરી) અમદાવાદના પાલડી વિસ્તારમાં આવેલી અંકુર શાળાના પરીક્ષા સેન્ટરમાં એક વિદ્યાર્થિની મોબાઈલ સાથે ઝડપાઈ હતી. સમગ્ર મામલે વિદ્યાર્થિની સામે કૉપી કેસ અને પોલીસ ફરિયાદ દાખલ કરવામાં આવી છે.
ધો.12ની પરીક્ષામાં વિદ્યાર્થિની મોબાઈલ સાથે ઝડપાઈ
મળતી માહિતી મુજબ, અમદાવાદના પાલડી વિસ્તારમાં આવેલી અંકુર શાળામાં ધોરણ 12ની બોર્ડની પરીક્ષા ચાલી રહી હતી. આ દરમિયાન સુપરવાઇઝર દ્વારા સરપ્રાઇઝ ચેકિંગ કર્યું હતું. જેમાં ધોરણ 12ના રસાયણ વિજ્ઞાનના પેપરમાં વિદ્યાર્થિની મોબાઈલ સાથે પકડાઈ હતી.
મોબાઈલ સાથે ઝડપાયેલી વિદ્યાર્થિની દામુભાઈ શુક્લ અંગ્રેજી મીડિયમ સ્કૂલની હોવાનું જાણવા મળ્યું હતું. ચાલુ પરીક્ષામાં મોબાઈલ ફોન મળી આવતા વિદ્યાર્થિની સામે કૉપી કેસ અને પોલીસ ફરિયાદ દાખલ કરવામાં આવી છે. આ ઉપરાંત, ખંડ નિરીક્ષકને પણ સસ્પેન્ડ કરવામાં આવ્યા છે.
