રાજુલામાં ખુલ્લી ગટરના ખાડામાં ફોરવ્હીલ ખાબકી, એક જ પરિવારના પાંચ સભ્યોને ઈજા

Rajula Accident: અમરેલીના રાજુલામાં ખુલ્લી ગટરના ખાડામાં ફોરવ્હીલ ખાબકી હતી. અકસ્માતની ઘટનામાં એક જ પરિવારના પાંચ સભ્યોને ઈજા પહોંચી હતી. ઘટનાને પગલે સ્થાનિકો દોડી આવ્યા હતા અને બચાવ કામગીરી હાથ ધરી હતી. 

રાજુલામાં ખુલ્લી ગટરના ખાડામાં ફોરવ્હીલ ખાબકી

મળતી માહિતી મુજબ, રાજુલાના આગરિયા જગાતનાકા પાસે વાવડીથી રાજુલા તરફ આવતી કાર ખુલ્લી ગટરના ઊંડા ખાડામાં ખાબકી હતી. ઘટનાને લઈને લોકોનું ટોળું એકઠું થઈ ગયું હતું. આ પછી ગટરના ખાડામાં ફસાયેલા લોકોને તાત્કાલિક બહાર કાઢવામાં આવ્યા હતા. 

આ પણ વાંચો: અમરેલી: બસ બની ગઈ 'હરતી-ફરતી શાળા', ગરીબ બાળકો માટે બની આશાનું કિરણ, 5 વર્ષથી ઘડાઈ રહ્યું છે ભવિષ્ય

ઘટનાને લઈને સ્થાનિકોએ જણાવ્યું હતું કે, રસ્તા પર ખુલ્લી ગટરના ખાડાના ગંભીર અકસ્માતનો ભય રહે છે. લોકોમાં જીવનું જોખમ રહે છે. તંત્રની કામગીરીને લઈને સ્થાનિકોમાં રોષ જોવા મળ્યો હતો. અને ગટર વ્યવસ્થા અને સુરક્ષાને લઈને અનેક સવાલો ઉઠ્યા હતા.