સુરતમાં દારૂબંધીના ઉડ્યા ધજાગરા, જાહેરમાં મહેફિલ માણનારા 17 નબીરાઓની કરાઈ ધરપકડ
Summarized by AI; it may make mistakes. Check important info
Summarized by AI; it may make mistakes. Check important info

Surat Crime: ગુજરાતમાં અવાર-નવાર દારૂબંધીના કાયદાના લીરેલીરા ઉડતા જોવા મળે છે. સુરતના વેસુ વિસ્તારમાં ફરી એકવાર આવી ઘટના સામે આવી છે, જ્યાં દારૂબંધીના કાયદાનું સરેઆમ ઉલ્લંઘન થતું હતું. વેસુ પોલીસે બાતમીના આધારે દારૂની એક મહેફિલ પર દરોડો પાડીને કુલ 17 લોકોને ઝડપી પાડ્યા હતા. આ તમામ યુવાનો જાહેર સ્થળે એકઠા થઈને દારૂની પાર્ટી માણી રહ્યા હતા.
શું હતી ઘટના?
મળતી માહિતી મુજબ, આ યુવાનો પહેલા ક્રિકેટ રમવા માટે ભેગા થયા હતા, અને ત્યારબાદ તેમણે દારૂની મહેફિલનું આયોજન કર્યું હતું. દારૂની પાર્ટીની ખાનગી બાતમી મળતાની સાથે જ વેસુ પોલીસની ટીમે તાત્કાલિક ઘટનાસ્થળે પહોંચીને દરોડો પાડ્યો હતો અને તમામ 17 વ્યક્તિઓને પકડી પાડ્યા હતા.
4 નબીરાઓ નશાની હાલતમાં, દારૂ જપ્ત
પોલીસને દારૂની મહેફિલમાંથી ઝડપાયેલા 17 લોકોમાંથી 4 નબીરાઓ નશાની હાલતમાં મળી આવ્યા હતા. પોલીસે આ તમામને મેડિકલ ટેસ્ટ માટે મોકલી આપ્યા હતા, જેમાં 4 વ્યક્તિઓએ દારૂનું સેવન કર્યું હોવાનું સ્પષ્ટ થયું હતું. પોલીસે સ્થળ પરથી દારૂની બોટલો અને અન્ય સામગ્રી પણ જપ્ત કરી છે. નશાની હાલતમાં મળી આવેલા લોકો સામે દારૂબંધીના કાયદા હેઠળ ગુનો દાખલ કરવામાં આવ્યો છે.
સમગ્ર મામલે વેસુ પોલીસે વધુ તપાસ હાથ ધરી છે. પોલીસ હવે એ દિશામાં તપાસ કરી રહી છે કે દારૂનો આ જથ્થો ક્યાંથી લાવવામાં આવ્યો હતો અને આ પાર્ટીનું આયોજન કોના દ્વારા કરવામાં આવ્યું હતું. સુરતમાં અવારનવાર પકડાતી દારૂની મહેફિલો શહેરના યુવાનોમાં વધતા જતા નશાના દૂષણને દર્શાવે છે.









