મોપેડ સવાર મહિલાના કાનમાંથી સોનાની બુટ્ટી આંચકીને બાઈક સવાર ફરાર

Vadodara : વડોદરામાં મકરપુરા કટારીયા શોરૂમની લાઈનમાં એપાર્ટમેન્ટમાં રહેતા મોનિકાબેન વીરપ્રતાપસિંહ ગઈકાલે તેમની દીકરીને મોપેડ પર બેસાડી લાલબાગ બ્રિજ નીચે આકાશ કોચિંગ ક્લાસમાં મૂકવા ગયા હતા અને ત્યાંથી તેઓ પરત ઘરે જતા હતા. તે દરમિયાન પાછળથી એક બાઈક ચાલક આવ્યો હતો અને તેમના કાનમાંથી સોનાની રીંગવાળી બુટ્ટી ખેંચીને માણેજા તરફ ભાગી ગયો હતો. જે અંગે તેમણે માંજલપુર પોલીસ સ્ટેશનમાં ફરિયાદ નોંધાવતા પોલીસે સીસીટીવી ફૂટેજના આધારે આરોપીની શોધ ખોળ હાથ ધરી છે.