Patan News: પાટણ જિલ્લાના સરસ્વતી તાલુકામાં સગીરાને એક 19 વર્ષના લઘુમતી સમાજના યુવાન દ્વારા પીંખી નાંખવાનો પ્રયાસ કર્યો હોવાની ચોંકાવનારી ઘટના સામે આવી છે. આ મામલે વાગડોદ પોલીસ આરોપીની અટકાત કરીને જાહેરમાં સરઘસ કાઢ્યું હતું.
જાણો શું છે મામલો
મળતી માહિતી અનુસાર, પાટણ જિલ્લાના સરસ્વતી તાલુકાના એક ગામના ખેતરમાં રહેતા પરિવારની 13 વર્ષીય સગીરા સાંજના સમયે ડેરીમાં દૂધ ભરાવીને પોતાના ખેતર વાળા ઘરે જતી હતી. તેણી પર નજર બગાડી લઘુમતી સમાજના 19 વર્ષીય અસ્લમખાન બલોચે સગીરાનો પીછો કરી રસ્તામાં અટકાવી હતી. બાદમાં તેણીને નજીકના ખેતરમાં લઈ ગયો હતો અને શારીરિક અડપલાં કરવાનો પ્રયાસ કર્યો હતો. સગીરાએ બૂમો પાડી હતી અને વિરોધ કરતા યુવકે તેના મો પર થપ્પડ મારી હતી. જેથી સગીરાએ યુવકને બચકું ભરી તેની ચુંગાલમાંથી છૂટી ઘર તરફ ભાગી ગઈ હતી.
આ પણ વાંચો: વિસાવદરમાં ભાજપે સૌને ચોંકાવ્યા: ભાયાણી અને રિબડિયાને પક્ષપલટો કર્યાં પછીય ફાયદો નહીં
