ગુજરાતીઓને દિવાળીની ભેટ? રાજ્યની સૌથી પહેલી અમૃત ભારત નોન એસી ટ્રેન અમદાવાદથી થશે શરૂ

Ahmedabad News: ભારતીય રેલવેએ નોન એસી અમૃત ભારત એક્સપ્રેસ ટ્રેનનું સંચાલન શરૂ કર્યું છે. અત્યારે એક અમૃત ભારત એક્સપ્રેસ અમદાવાદ આવી પણ ગઈ છે. મળતી માહિતી મુજબ, હાલ આ ટ્રેનની ટ્રાયલ ચાલી રહી છે. જેમાં ઝડપી, લોડ ટેસ્ટ સાથે ટ્રેનમાં પહેલીવાર લગાવવામાં આવેલી ઈપી બ્રેક સિસ્ટમની ટ્રાયલ કરવામાં આવશે. 

આ પણ વાંચોઃ ગુજરાતની નદીઓમાં ઘોડાપૂર: સુરતમાં કીમ નદીનું પાણી ગામમાં ઘૂસ્યું, ઉકાઈ-નર્મદા ડેમમાંથી પણ પાણી છોડાયું

અમદાવાદથી વારાણસીની ટ્રેન

સૂત્રો પાસેથી મળતી માહિતી મુજબ, દિવાળી સુધીમાં અમદાવાદથી વારાણસી વચ્ચે અમૃત ભારત ટ્રેનનું સંચાલન શરૂ કરવામાં આવી શકે છે. જોકે, આ ટ્રેન ક્યાં દોડાવવામાં આવશે તેનો અંતિમ નિર્ણય રેલવે બોર્ડ દ્વારા આગામી દિવસોમાં લેવામાં આવશે. 

આ પણ વાંચોઃ 24 કલાકમાં ગુજરાતનાં 195 તાલુકામાં મેઘમહેર, સુરતના ઉમરપાડામાં સૌથી વધુ 8.11 ઇંચ વરસાદ

કેમ ખાસ છે આ ટ્રેન?

• સામાન્ય રીતે અમદાવાદથી વારાણસી 28થી 30 કલાકમાં પહોંચી શકાય છે. પરંતુ આ ટ્રેન સરેરાશ 120થી 130 કિ.મીની ઝડપે દોડી 22થી 24 કલાકમાં વારાણસી પહોંચાડશે. 
• અમૃત ભારત એક્સપ્રેસ 20 એલએચબી કોચ અને 20 એલએચબી કોચ તેમજ ટ્રેનની બંને બાજુએ એન્જિનવાળી ટ્રેન છે. તેથી આ ટ્રેનને એન્જિન બદલ્યા વિના જ બંને દિશામાં મહત્તમ 160થી 180 કિ.મી ઝડપે દોડાવી શકાશે.
• આટ્રેનમાં ઈપી બ્રેક લગાવવામાં આવી છે. એર બ્રેકમાં ટ્રેન રોકવામાં જેટલો સમય લાગે છે તેટલો આ ઈપી બ્રેકમાં નથી લાગતો. બધા કોચમાં એકસાથે જ બ્રેક લાગતા ઓછા અંતરમાં જ ટ્રેન ઊભી રહી જશે અને આંચકો પણ નહીં લાગે.