અમદાવાદમાં 4 નવી ડબલ ડેકર AMTS બસો દોડશે: SP રિંગ રોડ, વૈષ્ણોદેવી, વસ્ત્રાલના લોકોને મળશે સુવિધા
Summarized by AI; it may make mistakes. Check important info
Summarized by AI; it may make mistakes. Check important info
Image: X |
AMTS Add 4 New Double-Decker Buses: અમદાવાદ મ્યુનિસિપલ ટ્રાન્સપોર્ટ સર્વિસ (AMTS)એ 2 કરોડના અંદાજિત ખર્ચે ચાર નવી એર-કન્ડિશન્ડ ડબલ-ડેકર બસો ઉમેરવાનો નિર્ણય લીધો છે. આ પહેલનો હેતુ જાહેર પરિવહન માળખાને સુધારવા અને હાલના ડબલ-ડેકર રૂટ પર ટ્રાફિક ઓછો કરવાનો છે, જેના માટે આ વર્ષે મે મહિનામાં ટેન્ડર બહાર પાડવામાં આવ્યું હતું.
ક્યાં દોડશે નવી ડબલ-ડેકર બસ?
આ વધારાની બસ સેવા સાથે, AMTS કુલ 11 ડબલ-ડેકર બસો ચલાવશે. હાલમાં શહેરમાં આવી સાત બસો દોડી રહી છે. AMTSના અધ્યક્ષ ધરમશી દેસાઈએ જણાવ્યું હતું કે, આ વધારાની સેવા હવે SP રિંગ રોડ પર ત્રણ મુખ્ય રૂટ - સનાથલથી વસ્ત્રાલ, વસ્ત્રાલથી વૈષ્ણોદેવી અને વૈષ્ણોદેવીથી સનાથલને આવરી લેશે. જે શહેરના ઝડપથી વિકસતા વિસ્તારોને વધુ સારી કનેક્ટિવિટી આપશે.
950 બસોનું સંચાલન કરે છે AMTS
નોંધનીય છે કે, AMTS હાલમાં અમદાવાદમાં લગભગ 950 બસોનું સંચાલન કરે છે, જેમાં 7 ઇલેક્ટ્રિક ડબલ-ડેકર બસોનો સમાવેશ થાય છે. આ સેવાઓ ખાનગી ઓપરેટરો દ્વારા ચલાવવામાં આવે છે.
