અમદાવાદ, તા. 16 એપ્રિલ 2020 ગુરૂવાર
સરખેજમાં બસ સ્ટેન્ડ નજીક વોડાફોન ટાવર નજીકથી દારૂનો જથ્થો લઇ રહેલા યુવકને સ્થાનિક લોકોએ અટકાવતા યુવક એક્ટિવા મૂકીને ફરાર થઈ ગયો હતો.
આ અંગે પોલીસને જાણ કરાતા સરખેજ પોલીસે વ્યક્તિઓને દારૂનો જથ્થો જપ્ત કરી આ યુવકને ઝડપી લીધો હતો. લોક ડાઉન દરમ્યાન જાહેરનામાનો ભંગ કરી દેશી દારૂની હેરાફેરી કરી રહેલા યુવકની પોલીસે પૂછપરછ હાથ ધરી છે. સ્થાનિક લોકોના જણાવ્યા મુજબ છેલ્લા ઘણા દિવસથી આ યુવક દરરોજ દારૂની હેરાફેરી કરતો હતો.
