ભારતે ઓસ્કરમાં મોકલેલી હોમબાઉન્ડમાં થિયેટરો ખાલીખમ

- બે દિવસમાં માંડ 80 લાખ કમાણી

- ફિલ્મ ફેસ્ટિવલોમાં ચાલે ફિલ્મ બોક્સ ઓફિસ પર ન ચાલે તે ફરી પુરવાર

આ ફિલ્મ થિયેટરમાં બે દિવસમાં માંડ ૮૦ લાખની કમાણી કરી શકી છે. આ ફિલ્મને ભારત દ્વારા ઓસ્કર એવોર્ડ માટે સત્તાવાર એન્ટ્રી તરીકે મોકલવામાં આવી છે. પરંતુ, સામાન્ય દર્શકોને આ ફિલ્મ બહુ નીરસ લાગી છે. 

કરણ જોહર જેવા બોલીવૂડના ખેરખાંએ  પ્રોડયૂસ કરી હોવા છતાં અને નીરજ ઘાયવાન જેવા કાબેલ દિગ્દર્શકનું સર્જન છતાં આ ફિલ્મ પ્રેક્ષકોને જરા પણ આકર્ષી શકી નથી. છેલ્લા બે દિવસથી તેના શોમાં થિયેટર્સમાં માંડ ૧૦ ટકા  પ્રેક્ષકો નોંધાયા છે. 

મુંબઈ જેવાં સેન્ટરમાં જ્યાં આર્ટ ફિલ્મોનું ઓડિયન્સ છે ત્યાં પણ આ ફિલ્મ જોવા કોઈ ફરક્યું નથી. ગણ્યાગાંઠયા સમીક્ષકોએ ફિલ્મને વખાણી છે બાકી સામાન્ય જનતાને તે  પસંદ પડી નથી.