બોની કપૂરની દીકરી બનશે ગુજરાતી ફેમિલીની વહુ, પ્રિ-વેડિંગ ફોટોશૂટનો લુક વાઈરલ

Anshula Kapoor's Pre Wedding Look: બોની કપૂરની લાડલી દીકરી અંશુલા કપૂર હવે પોતાની જિંદગીના નવા અધ્યાયની શરૂઆત કરવા જઈ રહી છે. અંશુલા 6 જુલાઈએ પોતાના લોન્ગ ટાઈમ બોયફ્રેન્ડ રોહન ઠક્કર સાથે લગ્નના બંધનમાં બંધાશે. લગ્ન પહેલા કપૂર પરિવારમાં જશ્નનો માહોલ શરૂ થઈ ગયો છે અને તેની ઝલક તાજેતરમાં જ યોજાયેલી માતાની ચોકીમાં જોવા મળી હતી.
અંશુલાનો પ્રિ-બ્રાઈડલ લુક
માતાની ચોકીના ખાસ પ્રસંગે અંશુલા કપૂર કોઈ શાહી દુલ્હનથી કમ નહોતી લાગી રહી. તેણે ગોલ્ડન અને સિલ્વર ટોન વાળો ખૂબ જ સુંદર ટ્રેડિશનલ લહેંગો પહેર્યો હતો, જેની સાથે રંગબેરંગી ફુલકારી દુપટ્ટો તેના લુકમાં આકર્ષણ ઉમેરી રહ્યો હતો. હેવી જ્વેલરી, માંગ ટીકા અને ચહેરાની ચમકે તેની સુંદરતામાં ચાર ચાંદ લગાવી દીધા હતા.
ગુજરાતી ફેમિલીની વહુ બનશે કપૂર ખાનદાનની દીકરી
અંશુલાએ પોતાના લુક પાછળનું ખાસ કારણ પણ જણાવ્યું હતું. તેણે કહ્યું કે, એક પંજાબી છોકરી જેના લગ્ન ગુજરાતી પરિવારમાં થવા જઈ રહ્યા છે - તે નાતે હું મારા લગ્નના જશ્નમાં પોતાના મૂળ (સંસ્કૃતિ)ને સાથે રાખીને ચાલવા માગતી હતી. આ જ કારણ હતું કે મેં માતાની ચોકી માટે ફુલકારી દુપટ્ટો પસંદ કર્યો હતો. પંજાબી સંસ્કૃતિમાં ફુલકારીને પ્રેમ, આશીર્વાદ અને નવી શરૂઆતનું પ્રતીક માનવામાં આવે છે અને આ મારા માટે ખૂબ જ ભાવુક ક્ષણ હતી.
ડિઝાઈનર્સ અને સ્ટાઈલિંગ ટીમનો માન્યો આભાર
અંશુલાએ પોતાના ડિઝાઈનર્સ અને સ્ટાઈલિંગ ટીમનો પણ આભાર માન્યો અને કહ્યું કે, 'આ આઉટફિટ મારી અપેક્ષાઓ કરતાં પણ વધુ સુંદર બન્યો છે. મને એવું લાગ્યું જાણે તે પોતાના ઘર અને પોતાની ઓળખનો એક ભાગ પોતાની નવી સફરમાં સાથે લઈને જઈ રહી હોય.'
પોતાના ભાવિ પતિ સાથે ભક્તિના રંગમાં રંગાઈ
આ ખાસ પ્રસંગની તસવીરો અને વીડિયો સોશિયલ મીડિયા પર ઝડપથી વાઈરલ થઈ રહ્યા છે. અંશુલા પોતાના ભાવિ પતિ રોહન ઠક્કર સાથે ભક્તિના રંગમાં રંગાયેલી જોવા મળી હતી. બંનેએ માતા રાનીના આશીર્વાદ લીધા હતા અને પરિવાર સાથે જોરદાર ડાન્સ તેમજ સેલિબ્રેશન કર્યું હતું.
માતાની ચોકીમાં આખો કપૂર પરિવાર પણ અંશુલાની ખુશીમાં ડૂબેલો જોવા મળ્યો હતો. પરિવારના સભ્યો, સંબંધીઓ અને નજીકના મિત્રો આ ખાસ પ્રસંગનો ભાગ બન્યા હતા. ચારેય તરફ લગ્નની તૈયારીઓ અને જશ્નનો માહોલ જોવા મળ્યો હતો.
હવે ચાહકો 6 જુલાઈની આતુરતાપૂર્વક રાહ જોઈ રહ્યા છે, જ્યારે અંશુલા કપૂર અને રોહન ઠક્કર ઓફિશિયલી પતિ-પત્ની બનશે. હાલમાં લગ્ન પહેલાની વિધિઓની તસવીરો સોશિયલ મીડિયા પર ખૂબ પ્રેમ મેળવી રહી છે અને અંશુલાનો બ્રાઈડલ ગ્લો દરેકનું દિલ જીતી રહ્યો છે.