પરિણીતી ચોપરા અને રાઘવ ચડ્ઢા બનશે માતા-પિતા, સોશિયલ મીડિયા પર આપ્યા ગૂડ ન્યૂઝ

Parineeti Chopra Pregnant: બોલિવૂડ એકટ્રસ પરિણીતિ ચોપરા અને આમ આદમી પાર્ટી (AAP)ના સાંસદ પતિ રાઘવ ચઢ્ઢા બંને જલદી માતા-પિતા બનવા જઇ રહ્યા છે. બંનેએ પહેલા બાળકનું સ્વાગત કરવાની સંપૂર્ણ તૈયારી કરી દીધી છે. કપલે ચાહકોને આ સારા સમાચાર ઇન્સ્ટાગ્રામ પર એક પોસ્ટ શેર કરીને આપ્યા હતા. તેમણે ઇન્સ્ટા પર એક પોસ્ટ શેર કરી હતી, જેમાં એક કેકની તસવીર શેર હતી અને તેના પર '1+1+3' લખ્યું હતું. આ ઉપરાંત કેક પર નવજાત શિશુના પગની નિશાની પણ છે. આ વીડિયોમાં જોવા મળે છે કે બંનેએ એક પાર્કમાં વૉક કરી રહ્યા છે. આ વીડિયો જોઈને ચાહકોએ તેમને અભિનંદન પાઠવવાનું શરૂ કર્યું છે. ત્યારે આ પોસ્ટ જોઈ બોલિવૂડના અન્ય કલાકારો અને રાજકારણથી જોડાયેલા દિગ્ગજોએ પણ વધામણા આપી રહ્યા છે.   

ઇન્સ્ટાગ્રામ પર ચાહકોને આપ્યા ગુડ ન્યૂઝ

બંનેએ પોસ્ટ શેર કરતાં કેપ્ટશન લખ્યું હતું, ' હમારા છોટા સા બ્રહ્માંડ.. આગે બઢ રહા હૈ, ઢેર સારા આશીર્વાદ.' પોસ્ટ શેર કરતાં એક્ટ્રેસ હુમા કુરૈશીએ લખ્યું- 'બધાઈ હો'. સોનમ કપૂરે લખ્યું, 'બધાઈ હો ડાર્લિંગ'. ભૂમિ પેડનેકરે પણ વધામણાં આપ્યા.   

આ પણ વાંચો: ઝાડી પાછળ કપડાં બદલતા, વૉશરૂમ માટે દૂર જવું પડતું...', કરિશ્મા કપૂરે જણાવ્યું 90ના દાયકામાં કેવું રીતે થતું ફિલ્મ શૂટિંગ

પરિણીતી-રાઘવના લગ્ન વર્ષ 2023માં થયા હતા

જણાવી દઈએ કે રાઘવ અને પરિણીતિ ચોપરાએ 2023માં ડેટિંગ શરૂ કરી હતી, પણ તેમણે ત્યારે આ સંબંધ વિશે સત્તાવાર રીતે વાત નહોતી કરી. ત્યારે મે 2023માં નવી દિલ્હીના કપૂરથલા હાઉસમાં બંનેએ સગાઈ કરી આ સંબંધને સત્તાવાર રીતે પુષ્ટિ કરી હતી. ત્યારબાદ તેમણે વર્ષ 2023ના સપ્ટેમ્બર મહિનામાં રાજસ્થાનના ઉદયપુરમાં પારંપારિક હિન્દુ રીતિ-રિવાજ સાથે લગ્ન કર્યા હતા.  નોંધનીય છે કે છેલ્લા ઘણા સમયથી પરિણીતી ચોપરાની પ્રેગ્નન્સીના સમાચારો સામે આવી રહ્યા હતા. ત્યારે 'ધ ગ્રેટ ઇન્ડિયન કપિલ શો'માં રાઘવ ચઢ્ઢાએ આ સમાચારની પુષ્ટિ કરી હતી.રાઘવ ચઢ્ઢાએ શોમાં દર્શકોને કહ્યું હતું કે ટૂંક સમયમાં જ દર્શકોને સારા સમાચાર મળશે, જે સાંભળી પરિણીતી પણ આશ્ચર્યચકિત થઈ ગઇ હતી.