બોલિવૂડમાં બાપ્પાની વિદાય: જુઓ ગોવિંદાથી લઈને અનન્યા સુધી, સેલિબ્રિટીઝે કેવી રીતે વિદાય આપી

Ganpati Bappa Visarjan: બોલિવૂડથી લઈને ટીવી સુધીના ઘણા સેલિબ્રિટીઝ ગણપતિ બાપ્પાને પોતાના ઘરે લાવ્યા છે. કોઈ બાપ્પાને 11 દિવસ સુધી પોતાના ઘરમાં રાખે છે તો કોઈ 5 કે તેથી ઓછા દિવસમાં જ બાપ્પાનું વિસર્જન કરે છે. બોલિવૂડ અને ટીવીના ઘણા સેલેબ્સે ગુરુવારે બાપ્પાનું વિસર્જન કર્યું છે. જેમાં અનન્યા પાંડેએ આ વર્ષે પોતાના ઘરમાં જ વિસર્જન કર્યું, જ્યારે ટીવીના રામ-સીતા ગુરમીત-દેબીનાએ ઢોલ વગાડીને બાપ્પાને વિદાય આપી.

ગોવિંદાએ બાપ્પાનું વિસર્જન કર્યું

ગોવિંદા પણ પોતાના પરિવાર સાથે બાપ્પાને ઘરે લાવ્યો હતો. તેણે ગુરુવારે બાપ્પાનું વિસર્જન કર્યું છે. ગોવિંદાના બાપ્પાની વિદાયનો વીડિયો વાઇરલ થઈ રહ્યો છે.

અનન્યાએ ઈકો-ફ્રેન્ડલી રીતે વિસર્જન કર્યું

અનન્યા પાંડે ગણપતિનું વિસર્જન કરવા માટે ક્યાંય બહાર ગઈ ન હતી, પરંતુ તેણે ઘરે જ વિસર્જન કર્યું. તેણે સોશિયલ મીડિયા પર બાપ્પાને વિદાય આપતો વીડિયો શેર કર્યો છે, જેમાં તે વિસર્જન કરતી જોવા મળી રહી છે.

સલમાન ઢોલના તાલે નાચતો જોવા મળ્યો

અર્પિતા ખાનના ઘરે ગણપતિ વિસર્જનના ઘણા વીડિયો અને તસવીરો ઇન્ટરનેટ પર વાઇરલ થઈ રહી છે. આ દરમિયાન, એક વીડિયો સામે આવ્યો છે જેમાં સલમાન ખાન બાપ્પાના વિસર્જન દરમિયાન જોરદાર નાચતો જોવા મળી રહ્યો છે. સલમાનની સાથે, તેનો આખો પરિવાર ઢોલના તાલે નાચતો જોવા મળી રહ્યો છે. 

દેબીના-ગુરમીતે જોરદાર ડાન્સ કર્યો

દેબીના અને ગુરમીત બંને બાપ્પાને લઈને મુંબઈના ઘાટ પર ગયા હતા. જ્યાં તેમણે ઢોલ પર ખૂબ ડાન્સ કર્યો. તેમની બંને દીકરીઓ પણ ખૂબ ડાન્સ કરતી જોવા મળી હતી.

અંબાણી પરિવારે વિસર્જન કર્યું

અંબાણી પરિવાર પણ ગણપતિને ખૂબ ધામધૂમથી પોતાના ઘરે લાવ્યો હતો. ગુરુવારે અનંત અંબાણી અને રાધિકા મર્ચન્ટે પણ બાપ્પાનું વિસર્જન કર્યું. અંબાણી પરિવારના ગણપતિના દર્શન કરવા માટે અનેક મોટા સેલેબ્સ તેમના ઘરે પહોંચ્યા હતા.

આ પણ વાંચો: હૃતિકે ગર્લફ્રેન્ડ સબાને ફક્ત ૭૫ હજારમાં ફલેટ ભાડે આપ્યો

ભારતી સિંહ, યુવિકા ચૌધરી, દીપિકા સિંહ જેવા ઘણા ટીવી સેલેબ્સે પણ ગણપતિ બાપ્પાનું વિસર્જન કર્યું. દરેક વ્યક્તિ બાપ્પાની ભક્તિમાં લીન જોવા મળ્યા. આવતાં વર્ષે ફરીથી બાપ્પાને ઘરે લાવવાની ખુશીમાં તેમનું વિસર્જન કરવામાં આવ્યું.