હોલિવૂડમાં ડેબ્યૂ કરવા જઈ રહી છે દિશા પટની, ઓસ્કાર વિજેતા ડાયરેક્ટરની એક્શન થ્રિલર ફિલ્મમાં મળ્યો રોલ

Disha Patani Hollywood Debut: બોલિવૂડ એક્ટ્રેસ દિશા પટની હવે હોલિવૂડમાં એન્ટ્રી કરવા જઈ રહી છે. એક્ટ્રેસ ઓસ્કર વિજેતા ડાયરેક્ટર કેવિન સ્પેસીની ફિલ્મ હોલીગાર્ડ્સ સાથે હોલિવૂડમાં ડેબ્યૂ કરશે. આ સુપરનેચરલ એક્શન-થ્રિલર ફિલ્મ મેક્સિકોમાં શૂટ થઈ થઈ છે અને તેમાં ઘણાં મોટા ઈન્ટરનેશનલ સ્ટાર્સ સામેલ છે. આ ફિલ્મ દ્વારા કેવિન સ્પેસી 20 વર્ષ બાદ ફરી દિગ્દર્શન કરશે, જેના કારણે દર્શકો ખાસ ઉત્સાહિત છે. 

હોલીગાર્ડની કહાણી અને કાસ્ટ 

હોલીગાર્ડ્સ એક સુપરનેચરલ એક્શન-થ્રિલર ફિલ્મ છે, જે સ્ટેચિગાર્ડસ વર્સિસ હોલીગાર્ડસ નામની ફ્રેન્ચાઇઝનો ભાગ છે. તેમાં દિશા પટનીની સાથે પ્રખ્યાત હોલિવૂડ સ્ટાર્સ ડૉલ્ફ લુંડગ્રેન (રૉકી IV, ધ એક્સપેન્ડેબલ્સ), ટાયરેસ ગિબ્સન (ફાસ્ટ એન્ડ ફ્યુરિયસ) અને બ્રિઆના હિલ્ડેબ્રાન્ડ (ડેડપૂલ, લૂસિફર) પણ જોવા મળશે.

આ પણ વાંચોઃ દિગ્ગજ અભિનેતાની ટિપ્પણી બાદ દક્ષિણના બે રાજ્યો વચ્ચે ભાષાને લઈને વિવાદ, ફિલ્મો પર લાગી શકે છે પ્રતિબંધ

ફિલ્મનું શૂટિંગ મેક્સિકોના ડુરેંગોમાં થશે અને તેનું ટ્રેલર 2025ના કાન્સ ફિલ્મ ફેસ્ટિવલમાં બતાવવામાં આવ્યું હતું. સૂત્રો પાસેથી મળતી માહિતી મુજબ, 'દિશા જાન્યુઆરીમાં ડુરેંગોમાં શૂટિંગ માટે ગઈ હતી, તેના સીન ખૂબ જ શાનદાર છે અને ફેન્સને મોટી સરપ્રાઇઝ મળી શકે છે.'

દિશા પટણીનું ફિલ્મ કરિયર

દિશાએ 2015માં તેલુગુ ફિલ્મ લોફરથી પોતાના કરિયરની શરૂઆત કરી હતી. 2016માં એમ.એસ. ધોનીઃ ધ અનટોલ્ડ સ્ટોરીથી તેણે બોલિવૂડમાં પોતાનું પગલું ભર્યું હતું. ત્યારબાદ કુંગ ફૂ યોગા (2017)માં જેકી સાથે, બાગી 2 (2018), ભારત (2019), મલંગ (2020), કલ્કિ 2898 AD અને કંગુઆ જેવી ફિલ્મોમાં જોવા મળી હતી. 2019માં તે ફોર્બ્સ ઈન્ડિયાની સેલિબ્રિટી 100 લિસ્ટમાં પણ સામેલ હતી. દિશા ઉત્તર પ્રદેશના બરેલીથી છે અને તેના પિતા પોલીસ ઓફિસર અને મોટી બહેન ખુશ્બુ ભારતીય સેનામાં લેફ્ટિનન્ટ છે. 

આ પણ વાંચોઃ 500 જોડી શૂઝ, 150થી વધુ ચશ્મા, સિંગર બી પ્રાકનું કરોડોનું લક્ઝરી કલેક્શન જોઈ ચોંકી જશો

ઉત્સાહિત છે ફેન્સ

દિશાની એક બીટીએસ (બિહાઇન્ડ-ધ-સીન) તસવીર હાલમાં જ વાઈરલ થઈ હતી, જેણે એક્સાઇટમેન્ટ ખૂબ વધારી દીધી છે. તે ભારતમાં પણ વેલકમ ટુ ધ જંગલ નામની ફિલ્મમાં જોવા મળશે, જે 2025માં રિલીઝ થશે. આ ફિલ્મ અક્ષય કુમાર, સંજય દત્ત અને રવીના ટંડન જેવા સ્ટાર સાથે એક મોટો પ્રોજેક્ટ છે. દિશાનું હોલિવૂડ ડેબ્યુ ભારતીય સિનેમા માટે ગર્વની વાત છે.