ફિલ્મ 'મહાકાલી'માં અસુર ગુરુ શુક્રાચાર્યની ભૂમિકા ભજવશે અક્ષય ખન્ના, ફર્સ્ટ લુક જોઈ ફેન્સ ચોંક્યા

અક્ષયનો દમદાર 'અસુર' લુક 

બોલિવૂડ ઇન્ડસ્ટ્રીમાં હવે પૌરાણિક ફિલ્મોનો પ્રભાવ વધશે. ટૂંક સમયમાં અક્ષય ખન્નાની મહાકાલી ફિલ્મ પણ રિલીઝ થવાની છે. આ ફિલ્મમાં અક્ષયે ગુરુ શુક્રાચાર્યની ભૂમિકા ભજવવા માટે તેણે પોતાનો લુક સંપૂર્ણપણે બદલી નાખ્યો છે. તે ફિલ્મમાં જટાધારી ઋષિના વેશમાં નજર આવશે. સફેદ અને લાંબા વાળ અને દાઢીની સાથે દિવ્ય દૃષ્ટિ અને કપાળ પર મહાકાલનો તિલક જોવા મળે છે. અક્ષય ખન્નાનો આ અંદાજ તેના ચાહકોના મન પર એક અલગ છાપ છોડી રહી છે. અક્ષયના આ પોસ્ટરે ઘણા ચાહકોના દિલ જીતી લીધા.

ડિરેક્ટર શેર કર્યો ફર્સ્ટ લુક

'હનુમાન' ફેમ ડાયરેક્ટર પ્રશાંત વર્માએ અક્ષય ખન્નાની મહાકાલીનો ફર્સ્ટ લુક શેર કર્યો હતો. પ્રશાંત કેપ્શનમાં લખ્યું 'દેવો કી છાયા મે, ક્રાંતિ કી સબસે ચમકતી હુઈ જવાલા ઉભરી. અસુરગુરુ શુક્રાચાર્ય' આ ફિલ્મથી અક્ષયની તેલુગુ સિનેમામાં એન્ટ્રી થઈ છે. આ ફિલ્મ પહેલા અક્ષય ખન્ના વિક્કી કૌશલ સ્ટારર ફિલ્મમાં ઔરંગઝેબની ભૂમિકામાં ભજવી હતી. ત્યારે પણ અક્ષયના લુક અને અંદાજે બધાના દિલ જીતી લીધા હતા. 

અક્ષય ખન્નાની ભૂમિકા ચાહકો માટે આનંદદાયક 

ચાહકો પણ અક્ષય ખન્નાને આ ભૂમિકામાં જોઈને આશ્ચર્યચકિત થઈ ગયા છે. યુઝર્સ કહે છે કે અક્ષય ઘણીવાર એવું કંઈક કરે છે જેનાથી ફક્ત "વાહ!" કહેવાનું મન થાય છે. કેટલાકે લખ્યું, "આ એક પરફેક્ટ કાસ્ટિંગ છે. અક્ષય ખન્ના ફક્ત એક પોસ્ટરથી જ હલચલ મચાવે છે; ટ્રેલરની કોઈ જરૂર નથી." દર્શકો પહેલાથી જ ફિલ્મ માટે પોતાનો ઉત્સાહ બતાવી રહ્યા છે.