- 'મને નથી લાગતું કે ભાઈ-બહેન વચ્ચે કોઈ સ્પર્ધા હોવી જોઈએ. આ એક શુ્દ્ધ બંધન છે. કામ અને બીજું બધું તો થતું રહેશે, પરંતુ આજે હું જે કંઈ છું તે શેહનાઝને કારણે છું...'
'બિગ બોસ-૧૯'માંથી બહાર નીકળી ગયા પછી શેહબાઝ બદેશાએ હવે તેનો રેકોર્ડ સીધો કરવાના પ્રયત્ન આરંભી દીધા છે. શેહબાઝે જ્યારે 'બિગ બોસ' હાઉસમાં હતો ત્યારે તેણે અનેકવાર તેની બહેન શહેનાઝ ગિલ અને તેના સદ્ગત સ્પર્ધક સિધ્ધાર્થ શુકલ વિશે વાતો કરી હતી. આ વાતચીત માટે શેહબાઝે બહાર આવ્યા બાદ અણધારી પ્રતિક્રિયા આપી હતી. આ સંદર્ભે જ સિધ્ધાર્થના ચાહકોના એક વર્ગે તેમના પર પ્રિય અભિનેતાના નામનો ઉપયોગ ધ્યાન ખેંચવા માટે કરવાનો આરોપ લગાવ્યો હતો.
શહેબાઝ આ ઘટના વિશે વાત કરે છે જ્યાં તેણે સિધ્ધાર્થના ચાહકો તેને નોમિનેટ થાય તો પણ બચાવશે, એમ કહેતા સાંભળ્યા. 'બિગ બોસ-૧૯'ના સ્પર્ધકે કહ્યું કે લોકોએ સિધ્ધાર્થના નામનો ઉપયોગ પ્રસિધ્ધિ માટે કર્યો હતો તે સમજી લીધું હતું. આ અંગે તેણે કહ્યું, મને ખબર નહોતી કે આ બધું બહાર થઈ રહ્યું છે. મારો સિધ્ધાર્થ (શુકલ) સાથે ખૂબ જ સારો સંબંધ હતો. બધા ઘરની અંદર તેના પીઆર વિશે વાત કરી રહ્યા હતા, પરંતુ પ્રામાણિકપણે, ઇન્સ્ટાગ્રામ પર મારી શરૂઆતની બધી ફેન-ફોલોઇંગ સિધ્ધાર્થ અને શેહનાઝને કારણે છે અને તેનું કારણ એ છે કે હું તે સમયે કંઈ જ નહોતો. મારું કશું અસ્તિત્વ જ નહોતું. તેથી મારો મતલબ એ જ હતો. મારો મતલબ એ હતો કે તેઓ મને પ્રેમ કરે છે અને તેઓ મને ટેકો આપશે, પરંતુ જે રીતે બહાર બતાવવામાં આવ્યું તે ખોટું હતું. જો લોકો ખોટી રીતે લેવા માગતી હોય તો તે મુજબ થાઓ. તેની સાથેનો મારો સંબંધ મારા હૃદયથી છે અને તે હંમેશા મારા હૃદયમાં રહેશે.
જ્યારે શેહબાઝને પૂછવામાં આવ્યું કે તે હમેશાં બહેન શહેનાઝની પ્રશંસા કરે છે તે 'બિગ બોસ-૧૯'ના ઘરમાં હતો ત્યારે અને તેની સિધ્ધિઓની પ્રશંસા કરે છે-તેનું કારણ શું? આ પ્રશ્નનો ઉત્તર આપતાં શેહબાઝે કહ્યું, મને નથી લાગતું કે ભાઈ-બહેન વચ્ચે કોઈ સ્પર્ધા હોવી જોઈએ. મને લાગે છે કે આ એક શુધ્ધ બંધન છે. કામ અને બીજું બધું તો થતું રહેશે, પરંતુ જો હું જે છું તે શેહનાઝને કારણે છું, તો હું આ વાત તો સ્પષ્ટપણે અને મોટા અવાજે કહીશ. 'બિગ બોસ-૧૯'ની સફર અંગે તેની પ્રતિક્રિયા અંગે શેહબાઝે કહ્યું, હું ખૂબ ખુશ છું કે તે ૧૪ અઠવાડિયા સુધી ટકી રહ્યો. સાચું કહું તો તેણે વિચાર્યું કે હું ૩-૪ અઠવાડિયામાં બહાર થઈ જઈશ. તે ખૂબ જ ખુશ છે અને 'બિગ બોસ'નો આભારી છે.
સલમાન ખાનની સલાહને હમેશાં ગંભીરતાથી લેવા વિશે વાત કરતાં શેહબાઝે તેમની પ્રશંસા કરી અને કહ્યું, હું તેમને માન આપું છું અને હું આ કેમેરા માટે નથી કહી રહ્યો.
હું તેમને ખરેખર પ્રેમ કરું છું.
