વાયદા બજારમાં ફરી કડાકો, ચાંદીમાં ₹2700નું ગાબડું, સોનામાં ₹1000નો ઘટાડો, બજાર સાઈડ વે

Silver and Gold MCX Price : ભારતીય કોમોડિટી માર્કેટમાં આજે સોના અને ચાંદીના ભાવમાં ફરી એકવાર મોટો કડાકો જોવા મળ્યો છે. અગાઉની તેજી બાદ આજે બજાર ખુલતાની સાથે જ બંને કિંમતી ધાતુઓના ભાવ ગગડ્યા છે, જેના કારણે રોકાણકારોમાં ફાળ પડી છે.

સોનાના ભાવમાં ઘટાડો

સમાચાર લખવા સુધીમાં સોનાના ભાવમાં આજે ₹884.00 (-0.56%) નો ઘટાડો નોંધાયો છે. MCX પર સોનાનો જૂનો બંધ ભાવ (Prev. Close) ₹1,58,755.00 હતો, જેની સામે આજે બજાર ₹1,58,000.00 ના ભાવે ખુલ્યું હતું. દિવસ દરમિયાન સોનાએ ₹1,58,173.00 ની હાઈ સપાટી અને ₹1,57,701.00 ની લો સપાટી બનાવી હતી. એટલે કે આજે સોનું કુલ 1054 રૂપિયા તૂટ્યું હતું. જોકે પછીથી એમાં રિકવરી આવી હતી. 

ચાંદીમાં ગાબડું

જોકે સમાચાર લખવા સુધીમાં ચાંદીના ભાવમાં સોના કરતા પણ વધુ ઘટાડો જોવા મળ્યો છે. ચાંદીમાં આજે ₹2,705.00 (-1.03%) નો ઘટાડો થયો છે. ચાંદીનો જૂનો બંધ ભાવ (Prev. Close) ₹2,63,018.00 હતો, જેની સામે આજે બજાર ₹2,61,361.00 ના ભાવે ખુલ્યું હતું. ચાંદીમાં દિવસ દરમિયાન ₹2,61,924.00 ની હાઈ અને ₹2,60,251.00 ની લો સપાટી નોંધાઈ હતી. જોકે ચાંદી આજે જૂના બંધ ભાવ અને આજના લૉના તફાવતના આધારે કુલ 2767 રૂપિયા તૂટી હતી.