SEBI Cracks Down On Social Media Scam : સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI)ના ચેરમેન તુહિન કાંત પાંડેયે સોમવારે જણાવ્યું હતું કે, છેલ્લા 18 મહિનામાં સોશિયલ મીડિયા પ્લેટફોર્મ્સ પરથી એક લાખથી વધુ ગેરકાયદેસર સામગ્રી દૂર કરવામાં આવી છે.
ગેરકાયદેસર સામગ્રીના મુદ્દાને ગૂગલ અને મેટા સમક્ષ ઉઠાવાયો
પાંડેયે કહ્યું કે, સેબીએ ગેરકાયદેસર સામગ્રીના મુદ્દાને ગૂગલ અને મેટા જેવા મોટા પ્લેટફોર્મ્સ સાથે ઉઠાવ્યો છે. તેમણે NSEમાં આયોજિત એક રોકાણકાર જાગૃતિ કાર્યક્રમમાં કહ્યું કે, ટેકનોલોજી સાધનો આવ્યા બાદ અપરાધીઓ માટે રોકાણકારોને છેતરતી સામગ્રી તૈયાર કરવાનું સરળ બન્યું છે. તેમણે ઉમેર્યું કે, છેલ્લા 18 મહિનામાં આવી 1 લાખથી વધુ સામગ્રી હટાવવામાં આવી છે.
આ પણ વાંચો : GSTમાં રાહત બાદ દિવાળી પહેલા ફરી મોટી જાહેરાતની તૈયારીમાં સરકાર? નીતિ આયોગે આપ્યા સંકેત
દેશનું સૌથી મોટું શેરબજાર લિસ્ટ થવાની તૈયારીમાં
પાંડેયે કહ્યું કે, માત્ર 36 ટકા લોકો જ કેપિટલ માર્કેટ અંગે સામાન્ય કે ઊંચી માહિતી ધરાવે છે. તેથી એવું કહી શકાય કે, એક મોટો વર્ગ ખોટી માહિતીના કારણે છેતરાઈ શકે છે. આ ઉપરાંત NSEના ચેરમેન શ્રીનિવાસ ઈન્જેતી એ જાહેરાત કરી કે, દેશનું સૌથી મોટું શેરબજાર લિસ્ટ થવાની તૈયારીમાં છે. NSE હાલમાં લિસ્ટેડ ન હોવા છતાં તેના લગભગ 1.8 લાખ શેરધારકો છે.
