MTFમાં રૂા. ૧.૩૩ લાખ કરોડનું વિક્રમી રોકાણ

લીવરેજ્ડ ટ્રેડિંગ માટેના ક્રેઝમાં થઈ રહેલો સતત વધારો
ઓક્ટોબર ૨૦૨૫ થી એમટીએફ બુક સતત રૂા. ૧ લાખ કરોડથી ઉપર, ઘણી બ્રોકરેજ કંપનીઓ દ્વારા માર્જિન ટ્રેડિંગ સુવિધાઓની રજૂઆતથી પણ તેનો ઉપયોગ વધ્યો
અમદાવાદ : માર્જિન ટ્રેડિંગ ફેસિલિટી (એમટીએફ) હેઠળ થતું રોકાણ જૂનમાં સતત ત્રીજા મહિને વધીને રેકોર્ડ રૂા. ૧.૩૩ લાખ કરોડ સુધી પહોંચ્યું છે. આ સૂચવે છે કે બજારની અસ્થિરતા છતાં, લિવરેજ (ઉધાર) નો ઉપયોગ કરીને સટ્ટાબાજીમાં રોકાણકારોનો રસ મજબૂત રહે છે.
૨૪ જૂન સુધીમાં, જૂનમાં એમટીએફ બુક માસિક ધોરણે ૫.૯% વધી છે. આ પહેલા, એપ્રિલમાં તેમાં ૯.૭% અને મેમાં ૮.૮%નો વધારો થયો હતો. તેનાથી વિપરીત, ફેબુ્રઆરીમાં સતત ૧૦ મહિનાની વૃદ્ધિ પછી પહેલીવાર એમટીએફમાં ઘટાડો જોવા મળ્યો હતો. માર્ચમાં, બજારની સાવચેતી અને વધેલી અસ્થિરતા વચ્ચે એમટીએફ બુક પણ ઘટીને રૂા. ૧.૦૫ લાખ કરોડ થઈ ગઈ હતી
જોકે, આ થોડો ઘટાડો હોવા છતાં, ઓક્ટોબર ૨૦૨૫ થી એમટીએફ બુક સતત રૂા. ૧ લાખ કરોડથી ઉપર રહી છે. તાજેતરના વર્ષોમાં ઘણી બ્રોકરેજ કંપનીઓ દ્વારા માર્જિન ટ્રેડિંગ સુવિધાઓની રજૂઆતથી પણ તેનો ઉપયોગ વધ્યો છે.
બ્રોકર્સોના મતે પશ્ચિમ એશિયામાં તણાવ ઓછો થવાથી અન ક્રૂડ ઓઇલના ભાવમાં ઘટાડાથી રોકાણકારોના સેન્ટિમેન્ટમાં સુધારો થયો છે, જેનાથી લીવરેજ સાથે રોકાણને પ્રોત્સાહન મળ્યું છે.
બજારના નિષ્ણાંતોએ જણાવ્યું હતું કે, જ્યારે માર્જિન ટ્રેડિંગ ફેસિલિટીના આંકડા રેકોર્ડ સ્તરે હોઈ શકે છે, તેમનું કદ હજુ પણ કુલ બજાર મૂડીકરણ અને દૈનિક ટર્નઓવરની તુલનામાં સંતુલિત છે.
એમટીએફ હેઠળ રોકાણો બહુવિધ શેરોમાં ફેલાયેલા છે અને સારી રીતે વૈવિધ્યસભર છે. કોઈપણ એક સ્ટોક પર એમટીએફ એક્સપોઝર આશરે રૂા. ૨,૨૦૦ કરોડથી વધુ નથી. આ કોઈપણ એક સ્ટોક પર વધુ પડતી નિર્ભરતા (એકાગ્રતા જોખમ) ના જોખમને નોંધપાત્ર રીતે ઘટાડે છે.
મે મહિનામાં બજારમાં ઉથલપાથલ પછી, મુખ્ય સ્ટોક સૂચકાંકો જૂનમાં અત્યાર સુધી ફરી ઊંચા વેપાર કરી રહ્યા છે. ૨૪ જૂન સુધીમાં, સેન્સેક્સ ૩.૧% અને નિફ્ટી ૨.૧% વધ્યો છે.
ગયા અઠવાડિયે બહાર પાડવામાં આવેલા કેરએજ રેટિંગ્સના અહેવાલમાં જણાવાયું છે કે કેશ બજારમાં સરેરાશ દૈનિક ટર્નઓવરમાં સુધારો મુખ્યત્વે રોકાણકારોની ભાગીદારીમાં વધારો અને માજન ટ્રેડિંગ સુવિધાઓ હેઠળ વધેલી પ્રવૃત્તિ દ્વારા પ્રેરિત હતો.
અહેવાલમાં જણાવાયું છે કે પશ્ચિમ એશિયામાં ભૂ-રાજકીય તણાવ ઓછો થવાને કારણે અને રોકાણકારોના સેન્ટિમેન્ટમાં ધીમે ધીમે સુધારો થવાને કારણે ભવિષ્યમાં મૂડી બજાર પ્રવૃત્તિ મજબૂત રહેવાની અપેક્ષા છે. પરિણામે, રોકાણકારોની ભાગીદારીમાં વધારો અને બજારમાં વિશ્વાસ વધવાને કારણે માર્જિન ટ્રેેડિંગ સુવિધાઓનું કદ વધુ વધવાની શક્યતા છે.
રિપોર્ટ મુજબ, NSE ૯૬% ના બજાર હિસ્સા સાથે એમટીએફ સેગમેન્ટમાં પ્રભુત્વ જાળવી રાખે છે. જો કે, બીએસઈએ પણ વર્ષ-દર-વર્ષના ધોરણે આ સેગમેન્ટમાં મજબૂત વૃદ્ધિ જોવા મળી છે.
MTFનો અર્થ
એમટીએફ હેઠળ, રોકાણકારોને શેરની સંપૂલગભ કિંમત અગાઉથી ચૂકવવાની જરૂર નથી. તેઓ ફક્ત 'ગલજડ વેલ્યુનો એક ભાગ અગાઉથી જમા કરે છે, જ્યારે બ્રોકરેજ ફર્મ બાકીની રકમ વ્યાજ પર પૂરી પાડે છે.