બેંકિંગ-ફાઈનાન્સ શેરોની આગેવાનીએ ફંડોની તેજી : સેન્સેક્સ 232 પોઈન્ટ વધીને 75415
- રિઝર્વ બેંકના લિક્વિડિટી વધારવાના પગલાં, ડોલર સામે રૂપિયાની મજબૂતીએ
- નિફટી 65 પોઈન્ટ વધીને 23719 : હેલ્થકેર શેરોમાં ફંડોનું ઓફલોડિંગ : સ્મોલ, મિડ કેપ શેરોમાં સિલેક્ટિવ તેજી : FPIs/FIIની કેશમાં રૂ.4440 કરોડની ચોખ્ખી વેચવાલી
મુંબઈ : રિઝર્વ બેંક ઓફ ઈન્ડિયા (આરબીઆઈ) દ્વારા લિક્વિડિટી વધારવાના પગલાં લેવાઈ રહ્યા હોઈ એક તરફ ૨૬મીએ પાંચ અબજ ડોલરના ડોલર-સ્વેપ ઓક્શન યોજવાના નિર્ણય અને હવે આરબીઆઈ દ્વારા કેન્દ્ર સરકારને રેકોર્ડ રૂ.૨.૮૭ લાખ કરોડનું ડિવિડન્ડ જાહેર થતાં ફંડોએ આજે બેંકિંગ-ફાઈનાન્સ શેરોની આગેવાનીમાં તેજી કરી હતી. ફોરેન પોર્ટફોલિયો ઈન્વેસ્ટરોની શેરોમાં સતત વેચવાલી સામે લોકલ ફંડોની શેરોમાં અવિરત ખરીદી રહી હતી. અમેરિકી ડોલર સામે રૂપિયો ગઈકાલે મજબૂત બન્યા બાદ આજે વધુ ૫૧ પૈસા મજબૂત થઈને ૯૫.૬૯ થતાં ફંડોની આજે શેરોમાં વોલેટીલિટીના અંતે તેજી રહી હતી. બેંકિંગ-ફાઈનાન્સ શેરો સાથે મેટલ-માઈનીંગ, કન્ઝયુમર ડયુરેબલ્સ શેરોમાં ખરીદી રહી હતી. ફંડોએ સન ફાર્માના સારા ત્રિમાસિક પરિણામ છતાં હેલ્થકેર-ફાર્મા શેરોમાં પ્રોફિટ બુકિંગ કર્યું હતું. કોર્પોરેટ પરિણામો જાહેર થવા સાથે સિલેક્ટિવ એ ગુ્રપના શેરોમાં ખરીદી સામે કેટલાક શેરોમાં વેચવાલી થઈ હતી. સેન્સેક્સ ૭૫૨૩૦થી ૭૫૮૧૧ વચ્ચે અથડાઈ અંતે ૨૩૧.૯૯ પોઈન્ટ વધીને ૭૫૪૧૫.૩૫ બંધ રહ્યો હતો. નિફટી ૫૦ સ્પોટ ૨૩૬૭૧થી ૨૩૮૩૬ વચ્ચે અથડાઈ અંતે ૬૪.૬૦ પોઈન્ટ વધીને ૨૩૭૧૯.૩૦ બંધ રહ્યો હતો.
બેંકિંગ-ફાઈનાન્સ શેરોમાં આજે ફંડોની ફરી મોટી ખરીદી થઈ હતી. એક્સિસ બેંક રૂ.૩૧.૬૫ વધીને રૂ.૧૨૮૫.૨૫, એયુ સ્મોલ ફાઈનાન્સ બેંક રૂ.૧૯.૨૦ વધીને રૂ.૯૭૮.૩૦, આઈસીઆઈસીઆઈ બેંક રૂ.૨૨ વધીને રૂ.૧૨૬૪.૯૦, ઈન્ડસઈન્ડ બેંક રૂ.૧૧ વધીને રૂ.૯૧૦.૬૫, ફેડરલ બેંક રૂ.૩.૪૦ વધીને રૂ.૨૮૭.૨૦, એચડીએફસી બેંક રૂ.૭.૩૫ વધીને રૂ.૭૬૬.૪૦, કોટક બેંક રૂ.૩.૪૫ વધીને રૂ.૩૮૪.૨૦ રહ્યા હતા. બીએસઈ બેંકેક્સ ઈન્ડેક્સ ૭૦૯.૨૨ પોઈન્ટ વધીને ૬૦૯૦૪.૪૫ બંધ રહ્યો હતો.
ફાઈનાન્શિયલ સર્વિસિઝ, અન્ય બેંકિંગ શેરોમાં આજે પસંદગીની ખરીદી રહી હતી. સમ્માન કેપિટલ અબુધાબીની એચએસી પ્રમોટર હોલ્ડિંગ કંપની બનતાં શેર રૂ.૭.૫૦ વધીને રૂ.૧૬૧.૬૫, રેલીગેર રૂ.૧૧.૦૫ વધીને રૂ.૨૪૦.૪૦, ડેમ કેપિટલ રૂ.૬.૭૦ વધીને રૂ.૧૬૦.૮૫, મની બોક્સ રૂ.૨.૮૮ વધીને રૂ.૭૨.૮૮, નીવા બુપા રૂ.૨.૪૬ વધીને રૂ.૮૫.૯૬, બિરલા મની રૂ.૩.૯૫ વધીને રૂ.૧૩૮.૬૫, શ્રીરામ ફાઈનાન્સ રૂ.૨૬.૩૦ વધીને રૂ.૯૪૧.૧૫, ચૌલા ફિન રૂ.૩૬.૩૫ વધીને રૂ.૧૫૪૦.૮૫, પિલાની ઈન્વેસ્ટમેન્ટ રૂ.૧૦૫.૪૫ વધીને રૂ.૪૬૩૯.૫૦, આવાસ રૂ.૩૦.૫૦ વધીને રૂ.૧૩૯૮.૮૫, એબી કેપિટલ રૂ.૭.૬૦ વધીને રૂ.૩૫૭.૧૦, ઉગ્રો કેપિટલ રૂ.૨.૧૦ વધીને રૂ.૯૯.૯૦ રહ્યા હતા.
