બેંકોની ધિરાણ પ્રક્રિયામાં સુધારો થશે
રિઝર્વ બેંક ઓફ ઈન્ડિયાએ તેની નાણાકીય નીતિ બેઠક દરમિયાન રેપો રેટ ઘટાડયા પછી શેરબજારમાં તેજી જોવા મળી હતી. જેમાં બેંકિંગ, નોન-બેંકિંગ ફાઇનાન્શિયલ કંપનીઓ, ઓટો અને રિયલ એસ્ટેટ જેવા મુખ્ય ક્ષેત્રોના શેરમાં ૨% સુધીનો વધારો જોવા મળ્યો હતો. નીચા રિટેલ ફુગાવાને કારણે રિઝર્વ બેંક આર્થિક વૃદ્ધિને ટેકો આપી શક્યું છે. નાણાકીય નીતિ સમિતિ એ ફેબુ્રઆરીથી રેપો રેટમાં કુલ ૧૨૫ બેસિસ પોઈન્ટનો ઘટાડો કર્યો છે, આ ઘટાડો રેપો રેટને ૫.૨૫% પર લાવે છે, જે વર્તમાન આર્થિક વાતાવરણ માટે યોગ્ય પગલું છે. રિઝર્વ બેંકનો ૨૫ બેસિસ પોઈન્ટનો ઘટાડો સમયસર અને વૃદ્ધિને પ્રોત્સાહન આપતો નિર્ણય છે, જેને નીચા ફુગાવા અને મુખ્ય ફુગાવામાં નરમાઈ દ્વારા સમર્થન આપવામાં આવ્યું છે. ફુગાવો આખા વર્ષ માટે ૨% ની આસપાસ રહેવાની અપેક્ષા છે.
IT કંપનીઓના નફામાં વધારો થશે
ડોલર સામે રૂપિયામાં સતત ઘટાડાથી આઈટી ક્ષેત્ર મજબૂત બન્યું છે. હકીકતમાં, ભારતના આઈટી ક્ષેત્રની મોટાભાગની આવક અમેરિકાથી આવે છે. તેથી, નિષ્ણાતો ૩૧ ડિસેમ્બર, ૨૦૨૫ ના રોજ પૂરા થતા ત્રિમાસિક ગાળા માટે નફા પર સકારાત્મક અસરનો અંદાજ લગાવે છે. ભારતનો આઈટી સેવા ઉદ્યોગ તેની આવકનો ૯૦ ટકા વૈશ્વિક બજારમાંથી મેળવે છે. વૈશ્વિક આવકમાં અમેરિકાનો હિસ્સો આશરે ૫૭ ટકા છે, અને યુરોપનો હિસ્સો આશરે ૨૮ ટકા છે. ક્રિસિલ રેટિંગ્સે જણાવ્યું હતું કે, સરેરાશ ધોરણે, ક્ષેત્રની આવક તેની મિશ્રણ અને વિદેશી વિનિમય હેજિંગ નીતિઓ પર આધાર રાખે છે. રૂપિયાના મૂલ્યમાં ઘટાડો ત્રિમાસિક ગાળાના મધ્યમાં આવક વૃદ્ધિ તરફ દોરી જશે, જે સંભવતઃ ઉદ્યોગમાં કંપનીઓ માટે કાર્યકારી નફાકારકતામાં સુધારો તરફ દોરી જશે. તાજેતરના ચલણ અંગેના વલણો બાકીના સમયગાળા માટે ચાલુ રહેવાની અપેક્ષા છે.
