- AI ઇન બિઝનેસ
ભારતનું સ્વદેશી કૃત્રિમ બુદ્ધિ મોડેલ (AI), સર્વમ એઆઈ, ટૂંક સમયમાં લોન્ચ કરવામાં આવશે. તે જાન્યુઆરી ૨૦૨૬ સુધીમાં તૈયાર થઈ જશે. સર્વમ એઆઈ દસ ભારતીય ભાષાઓમાં વાતચીત કરશે.
ભારત ટૂંક સમયમાં પોતાનું કૃત્રિમ બુદ્ધિ (AI) મોડેલ, સર્વમ એઆઈ લોન્ચ કરવા જઈ રહ્યું છે. કેન્દ્રીય મંત્રી અશ્વિની વૈષ્ણવે તાજેતરમાં એક ન્યૂઝ ચેનલ સાથેની મુલાકાતમાં જાહેરાત કરી હતી કે આ ભારતીય કૃત્રિમ બુદ્ધિ (AI) મોડેલ ડિસેમ્બર ૨૦૨૫ અથવા જાન્યુઆરી ૨૦૨૬ સુધીમાં તૈયાર થઈ જશે.
કેન્દ્રીય મંત્રીએ એમ પણ કહ્યું હતું કે તેઓ પોતે સર્વમ (AI)નો ઉપયોગ શરૂ કરશે. સરકાર હાલમાં સ્વદેશી કૃત્રિમ બુદ્ધિ (AI) ટેકનોલોજીને ભારે પ્રોત્સાહન આપી રહી છે. વાચકોની જાણ માટે ઉલ્લેખનીય છે કે , સર્વમ એઆઈ બેંગલુરુ સ્થિત એક સ્ટાર્ટઅપ કંપની છે. આ કંપની વાસ્તવિક જીવનમાં અદ્યતન કૃત્રિમ AI ને લાગુ કરવા માટે કામ કરી રહી છે.
સર્વમ એઆઈ શું છે?
તમારી માહિતી માટે, ગયા વર્ષે ઓગસ્ટ ૨૦૨૪ માં, સર્વમ એઆઈએ એક સોફ્ટવેર રજૂ કર્યું હતું જે કંપનીઓને તેમના ગ્રાહકો સાથે ટેક્સ્ટને બદલે અવાજ દ્વારા વાતચીત કરવાની મંજૂરી આપે છે. આ ટેકનોલોજીને ૧૦ સ્થાનિક ભારતીય ભાષાઓના ડેટા પર તાલીમ આપવામાં આવી છે. આનો અર્થ એ છે કે તે બહુવિધ ભારતીય ભાષાઓને સપોર્ટ કરે છે. આ વપરાશકર્તાઓને તેમની પોતાની ભાષામાં વાતચીત કરવાની મંજૂરી આપે છે.
હાલમાં, ચેટજીપીટી અને જેમિની જેવા AI ચેટબોટ્સ બજારમાં ઉપલબ્ધ છે. જોકે, સર્વમ એઆઈ સ્થાનિક ભાષાઓનો ઉપયોગ કરે છે, તેથી તે વધુ લોકોને ઉપયોગી થઈ શકે છે. આનાથી લોકો ભારતમાં અને આંતરરાષ્ટ્રીય સ્તરે તેનો ઉપયોગ કરી શકશે.
સેકસ માર્કેટ અને AI ઉદ્યોગ
અત્યાર સુધી AI વિવિધ ક્ષેત્રે ઉપયોગમાં આવે છે તે આપણે જોયું છે પરંતુ તેમાં સેક્સ ક્ષેત્રને ઉમેરાયું નહોતું. શરૂઆતના સમયે તેમાં સેકસનો વિષય છંછેડાયો નહોતો પરંતુ હવે જ્યારે દરેક ક્ષેત્રે AI પ્રવેશ્યું છે ત્યારે ઓપન એઆઇના સીઇઓ સામ અલ્ટમેને કહ્યું હતું કે પુખ્ત વયના લોકો માટે કામોત્તેજક AI(ઇરોટીકા) નો ઉપયોગ શરૂ કરાશે. જ્યારે ચેટબોટ રોમાન્ટીક અને સેક્સ્યુલ AI પાર્ટનર શોધશે ત્યારે તે નવતર સંશોધન જણાશે. AI વચ્ચે ગાઢ સબંધો અને માનવીય લાગણીઓની નવી દિશા પણ જોવા મળશે. ટેકનોલોજીને પોતાની કાયમી સાથી તરીકે રાખવા માંગતા લોકો માટે તે ઉપયોગી બની જશે.
