દારૃની ૯૧૨ બોટલના કેસનો વોન્ટેડ આરોપી ઝડપાયો

વડસરરોડ પરથી મળેલા ૧.૮૯ લાખના વિદેશી દારૃના જથ્થાના કેસમાં તથા ગ્રામ્યના વલણ પોલીસ સ્ટેશનના ગુનાના વોન્ટેડ બે આરોપીને પીસીબીએ ઝડપી પાડયા છે.
ગત ૭મી તારીખે વડસરરોડ પર વિશ્વામિત્રી નદીના બ્રિજ પાસેથી પોલીસે એક આરોપીને દારૃની ૯૧૨ બોટલ કિંમત રૃપિયા૧.૮૯ લાખની સાથે ઝડપી પાડયો હતો. આ ગુનામાં વોન્ટેડ આરોપી અનિલકુમાર ઉર્ફે અન્ની ગંગાપ્રસાદ યાદવ (રહે. માળી મહોલ્લો, ગોરવા) ને પોલીસે ઝડપી પાડયો છે. તેવી જ રીતે વડોદરા ગ્રામ્યના વલણ પોલીસ સ્ટેશનના પ્રોહિબીશનના ગુનાના વોન્ટેડ આરોપી સ્મીથજી ગોપાલભાઇ નાયર (રહે. શિવભક્તિ ફ્લેટ, ગોરવા, મૂળ રહે. કેરલા) ને પોલીસે ઝડપી પાડયો છે.