Baroda

દેવઉઠી અગિયારસે વડોદરાના રાજમાર્ગો પર ભગવાન વિઠ્ઠલનાથજીનો ભવ્ય વરઘોડો નીકળ્યો

By GS Team
21 Nov 20261 min read
TukuTouch Logo
વડોદરામાં દેવઉઠી અગિયારસના પવિત્ર પર્વે ભક્તિમય માહોલ છવાયો હતો. ભગવાન વિઠ્ઠલનાથજીનો ભવ્ય વરઘોડો શહેરના રાજમાર્ગો પર પરંપરાગત ઉત્સાહ સાથે નીકળ્યો હતો, જેમાં મોટી સંખ્યામાં ભક્તો અને રાજકીય અગ્રણીઓ જોડાયા હતા. ચાતુર્માસ બાદ ભગવાન વિષ્ણુ જાગૃત થતા શુભ પ્રસંગો, ખાસ કરીને લગ્નસરાનો પ્રારંભ થતો હોવાથી શ્રદ્ધાળુઓમાં અનેરો આનંદ જોવા મળ્યો હતો.

Summarized by AI; it may make mistakes. Check important info

દેવઉઠી અગિયારસે વડોદરાના રાજમાર્ગો પર ભગવાન વિઠ્ઠલનાથજીનો ભવ્ય વરઘોડો નીકળ્યો

Vadodara News : આજે દેવઉઠી અગિયારસના પવિત્ર પર્વ નિમિત્તે શહેરમાં ધાર્મિક ઉત્સાહ અને ભક્તિમય માહોલ જોવા મળ્યો હતો. આ પાવન અવસરે ભગવાન વિઠ્ઠલનાથજીનો ભવ્ય વરઘોડો શહેરના રાજમાર્ગો પર પરંપરાગત ધાર્મિક ઉત્સાહ સાથે નીકળ્યો હતો. વરઘોડામાં મોટી સંખ્યામાં ભક્તો, શ્રદ્ધાળુઓ તેમજ રાજકીય અગ્રણીઓ જોડાયા હતા. ભગવાનના દર્શન કરવા માર્ગોની બંને બાજુ મોટી સંખ્યામાં લોકો ઉમટી પડ્યા હતા.
દેવઉઠી અગિયારસને હિંદુ ધર્મમાં વિશેષ મહત્ત્વ આપવામાં આવે છે. માન્યતા મુજબ ચાતુર્માસ દરમિયાન યોગનિદ્રામાં રહેલા ભગવાન વિષ્ણુ આ દિવસે જાગૃત થાય છે અને ત્યારબાદ શુભ તથા માંગલિક પ્રસંગોની શરૂઆત થાય છે. આ દિવસથી લગ્નસરા સહિતના શુભ પ્રસંગોનો પ્રારંભ થતો હોવાથી ભક્તોમાં વિશેષ ઉત્સાહ જોવા મળે છે.
ભગવાન વિઠ્ઠલનાથજીના વરઘોડાને લઈને ભક્તોમાં અનેરો આનંદ છવાયો હતો. વરઘોડામાં ભક્તિગીતો, ભજન-કીર્તન અને જયઘોષ સાથે સમગ્ર વાતાવરણ ભક્તિમય બની ગયું હતું. વિવિધ વિસ્તારોમાંથી લોકો ભગવાનનાં દર્શન કરવા માટે પહોંચ્યા હતા. શ્રદ્ધાળુઓએ ભગવાન વિઠ્ઠલનાથજીનાં દર્શન કરી ધન્યતા અનુભવી હતી અને સુખ, શાંતિ તથા સમૃદ્ધિ માટે પ્રાર્થના કરી હતી. ધાર્મિક પ્રસંગમાં રાજકીય અગ્રણીઓની ઉપસ્થિતિ પણ આકર્ષણનું કેન્દ્ર બની હતી. તેમણે ભગવાન વિઠ્ઠલનાથજીના દર્શન કરી આશીર્વાદ મેળવ્યા હતા અને ભક્તો સાથે વરઘોડામાં સહભાગી થયા હતા. દેવઉઠી અગિયારસના પર્વે નીકળેલા આ ભવ્ય વરઘોડાના પગલે શહેરમા ઉત્સવ જેવો માહોલ સર્જાયો હતો. ધાર્મિક આસ્થા, પરંપરા અને સામૂહિક ભક્તિનો સુંદર સંગમ જોવા મળ્યો હતો.