Baroda

તહેવારોમાં મુસાફરોની સુવિધા માટે 3 સ્પેશિયલ ટ્રેન દોડાવાશે : એકતાનગર અને પ્રતાપનગરથી વિશેષ ભાડા સાથે ટ્રેનો ચલાવવાનો નિર્ણય

By GS Team
29 Oct 20261 min read
TukuTouch Logo
પશ્ચિમ રેલવેએ મુસાફરોની સુવિધા માટે વિશેષ ભાડા સાથે સ્પેશિયલ ટ્રેનો દોડાવવાનો નિર્ણય કર્યો છે. એકતાનગરથી પાર્વતીપુરમ, એકતાનગરથી રાયપુર અને પ્રતાપનગરથી સંત્રાગાછી વચ્ચે આ ટ્રેનો દોડશે. 28 ઓક્ટોબરથી 3 નવેમ્બર દરમિયાન આ સેવાઓ ઉપલબ્ધ રહેશે, જે લાંબા અંતરના પ્રવાસીઓ માટે લાભદાયી બનશે.

Summarized by AI; it may make mistakes. Check important info

તહેવારોમાં મુસાફરોની સુવિધા માટે 3 સ્પેશિયલ ટ્રેન દોડાવાશે : એકતાનગર અને પ્રતાપનગરથી વિશેષ ભાડા સાથે ટ્રેનો ચલાવવાનો નિર્ણય

Western Railways : મુસાફરોની વધતી સંખ્યા અને મુસાફરીની માંગને ધ્યાનમાં રાખીને રેલવે દ્વારા એકતાનગરથી પાર્વતીપુરમ, એકતાનગરથી રાયપુર તથા પ્રતાપનગરથી સંત્રાગાછી વચ્ચે વિશેષ ભાડા સાથે સ્પેશિયલ ટ્રેનો દોડાવવાનો નિર્ણય લેવામાં આવ્યો છે. આ ટ્રેનોના સંચાલનથી લાંબા અંતરની મુસાફરી કરતા મુસાફરોને સુવિધા મળશે.
એકતાનગર–પાર્વતીપુરમ સ્પેશિયલ 1 નવેમ્બર, રવિવારે રાત્રે 11:30 વાગ્યે એકતાનગરથી ઉપડશે અને 3 નવેમ્બર, મંગળવારે સાંજે 5 વાગ્યે પાર્વતીપુરમ પહોંચશે. જ્યારે પાર્વતીપુરમ–એકતાનગર સ્પેશિયલ 28 ઓક્ટોબર, બુધવારે બપોરે 3 વાગ્યે પાર્વતીપુરમથી ઉપડશે અને 30 ઓક્ટોબર, શુક્રવારે સવારે 10 વાગ્યે એકતાનગર પહોંચશે.
પ્રતાપનગર–સંત્રાગાછી સ્પેશિયલ 2 નવેમ્બર, સોમવારે સવારે 7:35 વાગ્યે પ્રતાપનગરથી ઉપડશે અને 3 નવેમ્બર, મંગળવારે સાંજે 6:20 વાગ્યે સંત્રાગાછી પહોંચશે. બીજી તરફ, સંત્રાગાછી–પ્રતાપનગર સ્પેશિયલ 28 ઓક્ટોબર, બુધવારે રાત્રે 12:15 વાગ્યે સંત્રાગાછીથી ઉપડશે અને 29 ઓક્ટોબર, ગુરુવારે બપોરે 12:15 વાગ્યે પ્રતાપનગર પહોંચશે.
એકતાનગર–રાયપુર સ્પેશિયલ 1 નવેમ્બર, રવિવારે બપોરે 12:30 વાગ્યે એકતાનગરથી ઉપડશે અને બીજા દિવસે સોમવારે બપોરે 1 વાગ્યે રાયપુર પહોંચશે. જ્યારે રાયપુર–એકતાનગર સ્પેશિયલ 28 ઓક્ટોબર, બુધવારે રાત્રે 11 વાગ્યે રાયપુરથી ઉપડશે અને બીજા દિવસે ગુરુવારે રાત્રે 11:50 વાગ્યે એકતાનગર પહોંચશે.