મેષ અને મિથુન સહિત આ 5 રાશિના જાતકો માટે ધનલાભના યોગ, સિંહ રાશિમાં બની રહ્યો છે બુધાદિત્ય યોગ
Updated: Aug 19th, 2025
GS TEAM
Surya Budh Yuti Budhaditya Yoga 2025: આગામી 30 ઑગસ્ટના રોજ સૂર્ય સાથે યુતિ કરીને બુધ ગ્રહ સિંહ રાશિમાં બુધાદિત્ય યોગનું નિર્માણ કરશે, જેનાથી 5 રાશિના જાતકોને વિશેષ લાભ થઈ શકે છે.30 ઑગસ્ટ 2025ના રોજ સાંજના સમયે 4:48 વાગ્યે, બુધ ગ્રહ સિંહ રાશિમાં પ્રવેશ કરીને સૂર્ય સાથે યુતિ કરશે. સૂર્ય-બુધની યુતિથી બુધાદિત્ય યોગનું નિર્માણ થશે, જેનાથી 5 રાશિના જાતકોને નોકરીથી લઈને વેપાર વગેરેમાં વિશેષ લાભ થઈ શકે છે. ચાલો જાણીએ આ 5 રાશિઓ કઈ છે.
મેષ રાશિ
બુધાદિત્ય યોગ મેષ રાશિના જાતકો માટે ખૂબ શુભ સાબિત થઈ શકે છે. ક્રિએટિવ જાતકો પોતાના કામથી સીનિયરોના દિલ જીતી લેશે. લેખન, કલા કે ડિઝાઇનના ક્ષેત્રમાં પ્રશંસા અને પૈસા કમાશે. બિઝનેસમાં રોકાણના રસ્તા ખુલશે. વિદ્યાર્થી જાતકોને મોટી સફળતા મળી શકે છે. લવ લાઇફ બેસ્ટ થશે. કોઈપણ કામમાં ઉતાવળ કરવાથી બચો. મગજનો યોગ્ય ઉપયોગ કરીને ખરાબ સ્થિતિમાંથી બહાર નીકળી શકાશે.
મિથુન રાશિ
બુધાદિત્ય યોગ મિથુન રાશિના જાતકો માટે સફળતાના રસ્તા ખોલી શકે છે. પત્રકારત્વ અથવા ડિજિટલ માર્કેટિંગમાં કામ કરતા જાતકો જબરદસ્ત સફળતા પ્રાપ્ત કરી શકશે. બિઝનેસમાં નવી ડીલ મળી શકે છે. આર્થિક સ્થિતિ સુધરશે. જાતકોનો સોશિયલ સર્કલ વધી જશે. આત્મવિશ્વાસમાં વધારો થશે. નાની યાત્રા મોટા લાભ કરાવી શકે છે. વાતચીત કરતા સમયે સાવચેતી રાખો. બુધવારે લીલા કપડાં પહેરવાથી લાભ થઈ શકે છે.
સિંહ રાશિ
બુધાદિત્ય યોગ સિંહ રાશિના જાતકોને સકારાત્મક ફળ આપી શકે છે. જાતકોનો આત્મવિશ્વાસ વધશે. લીડરશિપ માટે જાતકોનું નામ આગળ આવી શકે છે. સમાજમાં જાતકોની ઈમેજ પહેલાંથી વધુ સારી થશે. સ્વાસ્થ્યમાં સુધારો અને વ્યક્તિત્વમાં ચમક આવશે. નવી જવાબદારીઓ મળી શકે છે. આ સમય ટેલેન્ટ દર્શાવવાનો છે. અહંકારથી બચો. ગરીબ બાળકોમાં પુસ્તકો દાન કરવું શુભ રહેશે.
તુલા રાશિ
બુધાદિત્ય યોગ તુલા રાશિના જાતકો માટે લાભ દાયક સાબિત થઈ શકે છે. આર્થિક લાભથી લઈને નવી પરિયોજનાઓમાં સફળતાના રસ્તા ખુલી શકે છે. બિઝનેસ કરતા જાતકો જૂના કોન્ટેક્ટ્સથી લાભ મેળવી શકશે. લાંબા સમયથી બનાવવામાં આવેલી યોજના પર કામ કરવા માટે સમય સારો છે. જોકે શરૂઆતમાં નબળા બુધને કારણે કામ રોકાઈ શકે છે, પરંતુ બુધવારે લીલા રંગની વસ્તુઓ જેમ કે લીલા મગ વગેરે દાન કરવાથી શુભ ફળોની પ્રાપ્તિ થઈ શકે છે.
