Chandra Grahan on Holi 2026: ફાગણ મહિનામાં આ વર્ષે બે ગ્રહણ બનવા જઈ રહ્યા છે. જેમાં આગામી 17 ફેબ્રુઆરીના રોજ પહેલા સૂર્યગ્રહણ થશે, પરંતુ તે ભારતમાં દેખાશે નહીં. તેથી તેનો સૂતક કાળ માન્ય રહેશે નહીં અને તેનો કોઈ ખાસ પ્રભાવ પણ માનવામાં આવશે નહીં. જ્યારે હોળીના દિવસે 3 માર્ચે પૂર્ણિમા પર ચંદ્ર ગ્રહણ ભારતમાં જોવા મળશે. જેનો સૂતક લગભગ 9 કલાક(સવારે 9:39 થી સાંજે 6:46 સુધી) પહેલા શરૂ થશે. એટલે આ બંને ગ્રહણ 15 દિવસમાં જ બનવા જઈ રહ્યા છે.
જ્યોતિષશાસ્ત્રની દ્રષ્ટિએ, બંને ગ્રહણ કુંભ રાશિમાં થશે. સૂર્યગ્રહણ દરમિયાન સૂર્ય, ચંદ્ર અને રાહુ કુંભ રાશિમાં હશે. જ્યારે ચંદ્રગ્રહણ દરમિયાન સૂર્ય અને રાહુ કુંભ રાશિમાં અને ચંદ્ર સિંહ રાશિમાં હશે. ગુરુની નવમી દ્રષ્ટિનો પણ પ્રભાવ પડશે. જ્યારે ગ્રહણની વાસ્તવિક અસરો વ્યક્તિના જન્મ કુંડળી પર આધાર રાખે છે, ત્યારે હોળી ચંદ્રગ્રહણ મેષ, વૃષભ, કન્યા અને ધનુ રાશિ માટે ફાયદાકારક સાબિત થઈ શકે છે.
મેષ રાશિ
મેષ રાશિના જાતકો માટે આ ગ્રહણ અગિયારમા ભાવમાં એટલે કે લાભ ભાવમાં થઈ રહ્યું છે:
આર્થિક સ્થિતિ: આવકમાં ધરખમ વધારો થશે અને ધન વૃદ્ધિના યોગ બનશે.
સામાજિક જીવન: તમારી જૂની ઈચ્છાઓ પૂર્ણ થશે. જીવનમાંથી નકારાત્મક લોકો દૂર થશે અને નવા સકારાત્મક સંપર્કો બનશે.
સાવધાની: માનસિક ભ્રમથી બચવું અને નૈતિકતા જાળવવી. પ્રેમ સંબંધોમાં સંભાળવું. ખાસ કરીને મેષ રાશિની સગર્ભા મહિલાઓએ આ સમયગાળામાં પોતાની તબિયતનું વિશેષ ધ્યાન રાખવું.
વૃષભ રાશિ
વૃષભ રાશિ માટે ગ્રહણ દશમ ભાવમાં પ્રભાવ પાડશે, જે કર્મનું સ્થાન ગણાય છે:
નોકરી-વ્યવસાય: કાર્યક્ષેત્રે તમારી માન-પ્રતિષ્ઠામાં વધારો થશે. લાંબા સમયથી અટકેલા પ્રમોશન કે નોકરી બદલવાના નિર્ણયો હવે ફળીભૂત થશે.
નિર્ણયશક્તિ: મનમાં જે મૂંઝવણ હતી તે દૂર થશે અને આગળ વધવા માટે સ્પષ્ટ દિશા મળશે. બોસનો પૂરો સહયોગ મળશે.
સાવધાની: ઓફિસમાં સહકર્મચારીઓની રાજનીતિ કે કાવતરાથી સાવધ રહેવું. સફળતા માટે પ્રમાણિકતાનો માર્ગ ન છોડવો.
કન્યા રાશિ
કન્યા રાશિના જાતકો માટે ગ્રહણ છઠ્ઠા ભાવમાં રહેશે, જે રોગ અને શત્રુનું સ્થાન છે:
જીવનશૈલી: તમારી દિનચર્યામાં મોટું પરિવર્તન આવશે અને શિસ્તબદ્ધ જીવનશૈલી બનશે.
વિજય: વિરોધીઓ ગમે તેટલા અવરોધો ઊભા કરે, પણ તમારું કાંઈ બગાડી શકશે નહીં.
શિક્ષણ: સ્પર્ધાત્મક પરીક્ષાની તૈયારી કરી રહેલા વિદ્યાર્થીઓ માટે સારા સમાચાર મળી શકે છે.
સાવધાની: સ્વાસ્થ્ય પ્રત્યે બેદરકારી ન રાખવી. જરૂરિયાતમંદોની સેવા કરવાથી માનસિક શાંતિ અને પુણ્ય મળશે.
આ પણ વાંચો: શિવભક્તો માટે સુવર્ણ અવસર: શનિ પ્રદોષ, મહા શિવરાત્રિ અને સોમવતી અમાસનો ત્રિવેણી સંગમ
ધનુ રાશિ
ધનુ રાશિ માટે ગ્રહણ ત્રીજા એટલે કે પરાક્રમ ભાવમાં થવા જઈ રહ્યું છે:
નવી ઊર્જા: તમારી અંદર કંઈક નવું કરી છૂટવાની ઉર્જાનો સંચાર થશે. રાજકારણ સાથે જોડાયેલા લોકો માટે આ સમય સુવર્ણ તક લઈને આવશે.
વ્યવસાય: ડિજિટલ મીડિયા, કમિશન, ટૂર એન્ડ ટ્રાવેલ્સના ક્ષેત્ર સાથે જોડાયેલા લોકો માટે પ્રગતિની મોટી સંભાવનાઓ છે. જૂના અટકેલા કામો પૂરા થશે.
પારિવારિક: પ્રવાસ સુખદ રહેશે અને નાના ભાઈ-બહેનોની મુશ્કેલીઓ દૂર થશે.
