આઠ મેચમાંથી પાંચમાં પરાજય... હવે કઈ રીતે IPLના પ્લેઑફમાં પહોંચશે મુંબઈ ઈન્ડિયન્સ?
Updated: Apr 23rd, 2024
Image: Facebook
IPL 2024: રાજસ્થાન રોયલ્સ સામે મુંબઈ ઈન્ડિયન્સને આકરી હારનો સામનો કરવો પડ્યો. હવે મુંબઈ ઈન્ડિયન્સની 8 મેચમાં 6 પોઈન્ટ્સ છે. હાર્દિક પંડ્યાની અધ્યક્ષતાવાળી મુંબઈ ઈન્ડિયન્સ પોઈન્ટ્સ ટેબલમાં સાતમાં નંબર પર છે. જો ગત સીઝનના પ્લેઓફ આંકડા જોઈએ તો મુંબઈ ઈન્ડિયન્સને ઓછામાં ઓછા 16 પોઈન્ટ કરવા પડશે. આ સિવાય મુંબઈ ઈન્ડિયન્સે પોતાનો નેટ રન રેટ શ્રેષ્ઠ રાખવો પડશે.
મુંબઈ ઈન્ડિયન્સ પ્લેઓફમાં કેવી રીતે પહોંચી શકે છે
અત્યાર સુધી મુંબઈ ઈન્ડિયન્સ 8 મેચ રમી ચૂકી છે. જેમાં લગભગ 3 જીત મળી છે. હાર્દિક પંડ્યાની ટીમને 16 પોઈન્ટ સુધી પહોંચવા માટે આગામી 6 મેચમાં 5 જીત નોંધાવી પડશે. આ સિવાય પોતાના નેટ રન રેટ શ્રેષ્ઠ કરવા પડશે. જોકે, જો મુંબઈ ઈન્ડિયન્સ 16 પોઈન્ટ્સ પર ફિનિશ કરે છે તો બાકી ટીમોના પરિણામો પર નિર્ભર રહેવું પડી શકે છે. મુંબઈ ઈન્ડિયન્સ માટે પ્લેઓફનો માર્ગ સરળ નથી પરંતુ આ ટીમે ઘણી વખત એવી પરિસ્થિતિથી લડીને પ્લેઓફમાં પોતાનું સ્થાન નક્કી કર્યું છે. મુંબઈ ઈન્ડિયન્સના ચાહકોને આશા હશે કે હાર્દિક પંડ્યાની અધ્યક્ષતાવાળી ટીમ પ્લેઓફ માટે જરૂર ક્વોલિફાય કરી જશે.
આ સીઝનમાં મુંબઈ ઈન્ડિયન્સની સફર
મુંબઈ ઈન્ડિયન્સે ગુજરાત ટાઈટન્સ સામે સીઝનની શરૂઆત કરી હતી. ગુજરાત ટાઈટન્સ સામે મુંબઈ ઈન્ડિયન્સને 6 રનથી હારનો સામનો કરવો પડ્યો હતો. જે બાદ મુંબઈ ઈન્ડિયન્સને સનરાઈઝર્સ હૈદરાબાદે 31 રનથી હરાવ્યું, પછી આ ટીમ રાજસ્થાન રોયલ્સ સામે 6 વિકેટથી હારી. આ રીતે મુંબઈ ઈન્ડિયન્સને પહેલી 3 મેચમાં સતત હારનો સામનો કરવો પડ્યો. જોકે, જે બાદ મુંબઈ ઈન્ડિયન્સે સતત મેચમાં દિલ્હી કેપિટલ્સ અને રોયલ ચેલેન્જર્સ બેંગ્લુરુને હરાવ્યું પરંતુ પછી ચેન્નઈ સુપર કિંગ્સ સામે હારનો સામનો કરવો પડ્યો. પંજાબ કિંગ્સ સામે મુંબઈ ઈન્ડિયન્સને 9 રનથી જીત મળી પરંતુ પછી આ ટીમ પોતાની આઠમી મેચમાં રાજસ્થાન રોયલ્સ સામે હારી ગઈ.