વાંચો તમારું 19 એપ્રિલ 2024નું રાશિ ભવિષ્ય
Updated: Apr 19th, 2024
મેષ : સીઝનલ ધંધામાં આકસ્મિક ઘરાકી આવી જવાથી લાભ-ફાયદો રહે. પરદેશના કામમાં પ્રગતિ જણાય. ધર્મકાર્ય થાય.
વૃષભ : આપ હરો-ફરો-કામકાજ કરો પરંતુ આપના હૃદય-મનને શાંતિ-રાહત જણાય નહીં. કામકાજમાં ઉતાવળ કરવી નહીં.
મિથુન : ઉપરીવર્ગ-સહકાર્યકર વર્ગ- નોકર-ચાકર વર્ગનો સાથ-સહકાર મળી રહે. અગત્યના કામની મિલન-મુલાકાત થાય.
કર્ક : બેંકના, વીમા કંપનીના, શેરોના કામકાજમાં સાનુકૂળતા મળી રહે. સીઝનલ ધંધામાં આકસ્મિક ઘરાકી આવી જાય.
સિંહ : આપના ગણત્રી-ધારણા પ્રમાણેનું કામકાજ થવાથી કામ કરવાનો ઉત્સાહ વધે. મહત્વના નિર્ણય લેવામાં સરળતા રહે.
કન્યા : કોર્ટ-કચેરીના કામમાં આપને પ્રતિકૂળતા જણાય. આપની મુશ્કેલીમાં વધારો થાય. વાહન ચલાવવામાં ઉતાવળ ન કરવી.
તુલા : આપના કાર્યમાં પુત્ર-પૌત્રાદિકનો સાથ-સહકાર મળી રહેતા રાહત જણાય. ધર્મકાર્ય-શુભકાર્યથી આનંદ રહે.
વૃશ્ચિક : ઘર-પરિવાર, સગા-સંબંધી વર્ગ- મિત્ર વર્ગના કામકાજ અંગે વ્યસ્તતા-દોડધામ રહે. પરંતુ કામનો ઉકેલ આવતા રાહત રહે.
ધન : નોકરી-ધંધાના કામકાજ અંગે બહાર કે બહારગામ જવાનું બને. સંયુક્ત ધંધામાં ભાઈભાંડનો સાથ-સહકાર રહે.
મકર : બેંકના, વીમા કંપનીના, શેરોના કામકાજમાં આપે સાવધાની રાખવી પડે. વધુ પડતી દોડધામ ચિંતાના લીધે તબીયતની અસ્વસ્થતા જણાય.
કુંભ : આપના કાર્યની સાથે જાહેર ક્ષેત્રના કામમાં, સંસ્થાકીય કામમાં વ્યસ્ત રહેવું પડે. રાજકીય સરકારી કામકાજ અંગે મિલન-મુલાકાત થાય.
મીન : પ્રારંભિક પ્રતિકૂળતા બાદ આપને કામકાજમાં સાનુકૂળતા થતી જાય. સાસરીપક્ષ-મોસાળ પક્ષના કામ અંગે દોડધામ-શ્રમ રહે.
- અગ્નિદત્ત પદમનાભ