<table style="float: left; width: 100%;"><tbody><tr><td style="text-align: center;"><img src="https://static.gujaratsamachar.com/content_image/content_image_f98bab0a-8bae-4217-913f-3ffd057cd47e.jpeg" data-filename="download.png" style="width: 100%;"></td></tr><tr><td class="tr-caption" style="display: flex;justify-content: center;scale: 0.8;">AI Image</td></tr></tbody></table> Tobacco price hike Feb 2026 : જાન્યુઆરી મહિનો પૂરો થવા જઈ રહ્યો છે અને આવતીકાલથી નવા ફેબ્રુઆરી મહિનાની શરૂઆત થશે. દર મહિનાની જેમ આ મહિનો પણ ઘણા મોટા ફેરફારો (Rule Change From 1st February) સાથે શરૂ થવા જઈ રહ્યો છે. જેમાં એલપીજી સિલિન્ડરની કિંમતો (LPG Cylinder Price) થી લઈને ટોલ ટેક્સ પર ફાસ્ટેગ સાથે જોડાયેલા નિયમો (FASTag Rule Change) સામેલ છે. બીજી તરફ સૌથી મોટો આંચકો પાન-મસાલા અને સિગારેટના શોખીનોને લાગવાનો છે. 1 ફેબ્રુઆરી 2026 થી આ તમાકુ ઉત્પાદનોની કિંમતો વધી શકે છે (Pan-Masala Cigarette Price Hike), કારણ કે સરકાર તેના પર લાગુ ટેક્સમાં વધારો કરવા જઈ રહી છે.વર્ષની શરૂઆતમાં જ કરી હતી તૈયારીઆ વર્ષની શરૂઆતમાં જ સરકાર તરફથી GST વળતર સેસ (Compensation Cess) ના સ્થાને એક નવી એક્સાઇઝ ડ્યુટી અને સેસ સૂચિત કરવામાં આવ્યા હતા. પીટીઆઈના એક રિપોર્ટ અનુસાર, આ અંતર્ગત દેશમાં 1 ફેબ્રુઆરી 2026 થી તમાકુ ઉત્પાદનો અને પાન મસાલા પર વધુ ટેક્સની જોગવાઈ કરવામાં આવી છે. જાહેરનામા મુજબ, તમાકુ અને પાન મસાલા પરના નવા શુલ્ક હાલના જીએસટી દરો ઉપરાંત લાદવામાં આવે તેવી શક્યતા છે.&nbsp;જાન્યુઆરીની શરૂઆતમાં નાણા મંત્રાલયે તમાકુ, જર્દા અને ગુટખા પેકિંગ મશીન (ક્ષમતા નિર્ધારણ અને શુલ્ક સંગ્રહ) નિયમો, 2026 ને પણ સૂચિત કર્યા હતા. આ નિયમો તમાકુ પ્રોડક્ટ્સના ઉત્પાદકો પાસેથી ઉત્પાદન ક્ષમતાનું મૂલ્યાંકન કરવાની અને શુલ્ક વસૂલવાની પ્રક્રિયા નિર્ધારિત કરે છે. રિપોર્ટ અનુસાર કેન્દ્ર સરકારનું આ પગલું ડિસેમ્બર 2025 માં સંસદ દ્વારા બે વિધેયકોને મંજૂરી આપ્યા બાદ આવ્યું છે, જે પાન મસાલા ઉત્પાદન પર નવા 'હેલ્થ એન્ડ નેશનલ સિક્યોરિટી સેસ' અને તમાકુ ઉત્પાદનો પર વધારાની એક્સાઇઝ ડ્યુટી લગાવવાની મંજૂરી આપે છે.કિંમતો પર દેખાશે ટેક્સની અસરસરકાર દ્વારા સુધારેલા ટેક્સ સ્ટ્રક્ચર હેઠળ 1 ફેબ્રુઆરીથી સિગારેટ અને અન્ય તમાકુ ઉત્પાદનો પર વધારાની એક્સાઇઝ ડ્યુટી લગાવવાથી લાંબી, પ્રીમિયમ સિગારેટ પર સૌથી વધુ વધારો જોવા મળશે. આ ફેરફાર હેઠળ સિગારેટની લંબાઈના આધારે પ્રતિ 1,000 સ્ટિક પર 2,050 રૂપિયાથી લઈને 8,500 રૂપિયા સુધીની એક્સાઇઝ ડ્યુટી લાદવામાં આવશે, જે ફેબ્રુઆરીની પહેલી તારીખથી અમલી બનશે. આ શુલ્ક 40% જીએસટીથી અલગ હશે.ટેક્સના મારને કારણે આ તમાકુ પ્રોડક્ટ્સ બનાવતી કંપનીઓના પ્રોફિટ માર્જિન પર અસર પડશે અને આવી સ્થિતિમાં કંપનીઓ તેની ભરપાઈ કરવા માટે ગ્રાહકો પર બોજ વધારી શકે છે. સરળ શબ્દોમાં કહીએ તો સિગારેટ, પાન-મસાલા, ગુટખા મોંઘા થઈ જશે અને તમાકુના શોખીનોના ખિસ્સા પર વધુ ભાર પડશે.&nbsp;Crisil એ આ અંગે શું કહ્યું?ક્રિસિલના એક રિપોર્ટ અનુસાર સિગારેટ ઉદ્યોગને શુલ્કમાં વધારાને કારણે વેચાણમાં ઘટાડાની શક્યતા છે. હાલમાં સિગારેટ પર 28 ટકા ગુડ્સ એન્ડ સર્વિસ ટેક્સ (GST) ની સાથે સાથે વિવિધ પ્રકારના સેસ પણ લાગે છે, પરંતુ 1 ફેબ્રુઆરીથી આ સેસ હટાવી દેવામાં આવશે અને સિગારેટની લંબાઈના આધારે વધારાની એક્સાઇઝ ડ્યુટી લાગુ થશે. ક્રિસિલ દ્વારા આ ટેક્સ વધારાથી (Tax Hike) સ્થાનિક સિગારેટ ઉદ્યોગમાં આગામી નાણાકીય વર્ષમાં 6-8 ટકાના ઘટાડાનું અનુમાન વ્યક્ત કરવામાં આવ્યું છે.

જાન્યુઆરી મહિનો પૂરો થવા જઈ રહ્યો છે અને આવતીકાલથી નવા ફેબ્રુઆરી મહિનાની શરૂઆત થશે. દર મહિનાની જેમ આ મહિનો પણ ઘણા મોટા ફેરફારો (Rule Change From 1st February) સાથે શરૂ થવા જઈ રહ્યો છે

Tobacco-price-hike-Feb-2026

Cigarette-price-increase-India

Pan-Masala-tax-hike

New-tax-on-chewing-tobacco-and-gutkha-2026

Why-cigarette-prices-are-increasing-from-Feb-1

rules changing from 1st february 2026 cigarette tobacco price hike

Gujarat-Samachar

<img src="https://static.gujaratsamachar.com/content_image/content_image_ee837a41-cf41-47a1-ab9b-feb95e6809b9.jpeg" data-filename="download.png" style="width: 100%;"> Union Budget 2026: 1 ફેબ્રુઆરી 2026ના રોજ બજેટ રજૂ થઈ રહ્યું છે. તેમાં કેન્દ્ર સરકાર સોના ચાંદીમાં રોકાણ કરવા કે ખરીદવા ઇચ્છતા લોકો માટે ખુશ ખબર આપી શકે છે. સરકાર સોના ચાંદી પર લાગતી કસ્ટમ ડયુટી હાલ 6 ટકા છે તે ઘટાડીને 4 ટકા કરી શકે છે. જો આવું થાય તો સોના પ્રતિ 10 ગ્રામ 3 હજાર અને ચાંદી પ્રતિ કિલો 6 હજાર રૂપિયા સસ્તી થઈ શકે છે. મહત્વનું છે કે ગત વર્ષ 2025માં સોનામાં 75 ટકા તો ચાંદીમાં 167 ટકાનો વધારો થયો હતો. જાન્યુઆરી 2026માં 10 ગ્રામ 24 કેરેટ સોનાનો ભાવ 1.50 લાખ અને એક કિલો ચાંદીનો ભાવ 3.50 લાખ આસપાસ થઈ ગયો છે.વર્ષ 2021ની સરખામણીએ સોનાના ભાવ કેટલા વધ્યા?જે વ્યક્તિએ વર્ષ 2021 માં 1 લાખનું સોનું ખરીદ્યું હતું, તેની કિંમત આજે વધીને 2.30 લાખ જેવી થઈ ગઈ છે. એટલે કે માત્ર 5 વર્ષમાં મૂડી બમણાથી પણ વધી ગઈ છે. આંકડા મુજબ, વર્ષ 2025 સોના માટે સૌથી શ્રેષ્ઠ રહ્યું છે, જેમાં વાર્ષિક 47% જેવું અધધ વળતર મળ્યું છે. 2021માં જે સોનું ₹48,000 ના સ્તરે હતું, તે 2026 સુધીમાં ₹1.50 લાખ (અંદાજિત) સુધી પહોંચી ગયું છે. સોનાના ભાવમાં વાર્ષિક સરેરાશ 20% થી 30% નો ઉછાળો જોવા મળી રહ્યો છે, જે રોકાણકારો માટે ખૂબ જ પ્રોત્સાહક છે.વર્ષ 2021ની સરખામણીએ ચાંદીના ભાવ કેટલા વધ્યા?વર્ષ 2021માં કરવામાં આવેલું 1 લાખનું રોકાણ આજે વધીને 3.51 લાખ થઈ ગયું છે. એટલે કે રોકાણકારોને લગભગ 3.5 ગણું વળતર મળ્યું છે. વર્ષ 2025 ચાંદી માટે 'ગોલ્ડન યર' સાબિત થયું છે, જેમાં ભાવમાં એક જ વર્ષમાં 173% નો તોતિંગ વધારો થયો છે. 2022માં ભાવમાં 13% નો ઘટાડો જોવા મળ્યો હતો, પરંતુ ત્યાર બાદ ચાંદીએ પાછું વળીને જોયું નથી. વર્ષ 2021માં 63,000 પ્રતિ કિલોથી શરૂ થયેલી સફર આજે 3.30 લાખના સ્તરે પહોંચી છે.સોના ચાંદીમાં બજેટ બાદ રોકાણ કરવું હિતાવહમાર્કેટ એક્સપર્ટ મુજબ 1 ફેબ્રુઆરી 2026 રજૂ થનારા બજેટ પહેલા મોટી ખરીદીથી બચવું જોઈએ, તેની જગ્યાએ નાના નાના હપ્તામાં રોકાણ કરવું જોઈએ, તેથી કિંમતોમાં મચેલી ભારે ઉથલપાથલથી બચી શકાય, અન્ય એક માર્કેટ એક્સપર્ટની સલાહ પણ સમજણભર્યા રોકાણની છે. તેમના સૂચન મુજબ તેજીની પાછળ ભાગ્યા વગર જ્યારે મોટો ઘટાડો થયા ત્યારે ખરીદી કરવી જોઈએ, બજેટના પહેલા કે પછી સોના ચાંદીમાં હાલ એક સાથે રોકાણ ન કરતાં નાના નાના જથ્થામાં રોકાણ કરવું જોઈએ, એટલે કે 'બાય ઑન ડિપ્સ'ની વ્યૂહનીતિ અપનાવવી જોઈએ. વર્ષ 2026ના પહેલા ત્રિમાસિક ગાળામાં ભાવમાં ભારે ઉતાર ચઢાવ જોવા મળી શકે છે, પણ લાંબા સમયનો ટ્રેન્ડ પોઝિટવ છે.&nbsp;શું બજેટમાં સોના-ચાંદી પર ડ્યૂટી ઘટાડી શકે છે સરકાર?સરકાર સોનાની સ્મગલિંગ રોકવા માટે ડ્યૂટી ઘટાડી શકે છે, હાલ તેના પર 6 ટકા ઈમ્પોર્ટ ડ્યૂટી લગવવામાં આવે છે, અને 3 ટકા જીએસટી સાથે સોના પર કુલ 9 ટકા જેટલો ટેક્સ વસૂલવામાં આવે છે. સરકારે જુલાઇ 2024ના બજેટમાં સોના પર ઈમ્પોર્ટ ડ્યૂટી 15 ટકાથી ઘટાડી 9 ટકા કરી દીધી હતી. જો 1 ફેબ્રુઆરીના બજેટમાં પણ 2-3 ટકાનો ઘટાડો કરવામાં આવે તો સોના ચાંદીના ભાવ ઘટે તેવી શક્યતાઓ છે. ઉદ્યોગકારોને પણ લાભ થઈ શકે છે. બીજી તરફ એ પણ સંકેત છે કે જો સરકાર ડ્યૂટી ઘટાડે તો તેની અસર થોડા સમય માટે જ રહેશે કારણ કે સોના ચાંદીની કિંમતો આંતરરાષ્ટ્રીય ટ્રેડથી વધારે પ્રભાવિત હોય છે.&nbsp;

1 ફેબ્રુઆરી 2026ના રોજ બજેટ રજૂ થઈ રહ્યું છે. તેમાં કેન્દ્ર સરકાર સોના ચાંદીમાં રોકાણ કરવા કે ખરીદવા ઇચ્છતા લોકો માટે ખુશ ખબર આપી શકે છે. સરકાર સોના ચાંદી પર લાગતી કસ્ટમ ડયુટી હાલ 6 ટકા છે તે ઘટાડીને 4 ટકા કરી શકે છે. જો આવું થાય તો સોના પ્રતિ 10 ગ્રામ 3 હજાર અને ચાંદી પ્રતિ કિલો 6 હજાર રૂપિયા સસ્તી થઈ શકે છે. મહત્વનું છે કે ગત વર્ષ 2025માં સોનામાં 75 ટકા તો ચાંદીમાં 167 ટકાનો વધારો થયો હતો. જાન્યુઆરી 2026માં 10 ગ્રામ 24 કેરેટ સોનાનો ભાવ 1.50 લાખ અને એક કિલો ચાંદીનો ભાવ 3.50 લાખ આસપાસ થઈ ગયો છે.

Union-Budget-2026

gold-silver-price

income-tax-slab

Union Budget 2026 income tax slab regime expectations cheaper costlier gold silver price

<img src="https://static.gujaratsamachar.com/content_image/content_image_c0816f57-72b6-4ebc-bdd3-97bd6548972d.jpeg" data-filename="31-1-Prasang.jpg"> - સરકાર સંગ્રહ કરનારાઓ સામે લાલ આંખ બતાવે- મધ્યમવર્ગ હવે પહેલાં જેવો લાચાર નથી. તે જોખમ ઉઠાવતો થયો છે. તે સરકારનાં ખોટા પગલાંની ટીકા પણ કરે છે - પ્રસંગપટઆ વખતે પહેલી વાર રવિવારે બજેટ પેશ થવાનું છે. આવતી કાલના બજેટમાં મોટાં પરિવર્તન જોવા મળે તેવી શક્યતા છે. મધ્યમવર્ગ છેલ્લા કેટલાક સમયથી ચાંદીના ઉછળતા ભાવોમાં વ્યસ્ત છે ત્યારે આવતી કાલના બજેટમાં મધ્યમવર્ગ માટે કેવી રાહતો હશે તેના પર સૌનું ધ્યાન ખેંચાઇ રહ્યું છે. મોદી સરકારનો સમર્થક મધ્યમવર્ગ છે માટે સૌ કોઈ ઇન્કમટેક્સમાં રાહત અને રોજીંદી ચીજોના ભાવોમાં ઘટાડો ઇચ્છે છે. સરકાર સંગ્રહ કરનારાઓ સામે લાલ આંખ બતાવે તેવું પણ લોકો ઇચ્છે છે.જ્યારથી મધ્યમવર્ગની આવકમાં વધારો થયો છે ત્યારથી તેની રોજીંદા વપરાશની ચીજોમાં ફોર-વ્હીલર અને એરકન્ડીશનર જેવી ચીજોના ખર્ચા વધ્યા છે. મધ્યમવર્ગ ઇલેકટ્રીક ટુ- વ્હીલર વસાવીને દેશના પર્યાવરણની રક્ષાની સાથે પોતાનો માસિક પેટ્રોલ ખર્ચ પણ બચાવી રહ્યો છે.મધ્યમવર્ગ જાણે છે કે સરકારની નીતિ 'એક હાથ લંે દૂસરે હાથ સે દે' જેવી હોય છે. દરેક વર્ગ અને ક્ષેત્રની માંગણી પૂરી કરવી સરકાર માટે લગભગ અશક્ય છે. સરકારે જીએસટી લાદીને લગભગ સૌની પાસેથી ટેક્સ ચૂકવણી શરૂ કરી છે. સામે પક્ષે, લોકોની રાહત માટેની માંગ સતત વધી રહી છે. કૃષિ ક્ષેત્રે કિસાનોની આવક બમણી કરવાનું આપેલું પ્રોમીસ હજુ સિદ્ધ થયું નથી, મોદી સરકાર કેન્દ્રીય સત્તામાં ૧૧ વર્ષથી સક્રિય છે, તેમ છતાં.&nbsp;અમેરિકાના પ્રમુખ ડોનાલ્ડ ટ્રમ્પે ભારત પર લાદેલા ટેરિફથી ભારતની આર્થિક પ્રગતિ પર શરૂઆતમાં થોડી બ્રેક વાગી હતી, પરંતુ ભારતનાં બજારો અમેરિકી ટેેરિફને પચાવી ગયા હતા. મધ્યમવર્ગ જેેમાંથી વધારાની આવક મેળવવાની કોશિશ કરે છે તે શેરબજારે કેટલાય લોકોને નાણાં કમાવી આપ્યા છે. ઉતાવળે નાણાં રોકીને ઉતાવળે પાછા ખેંચનારાઓને રોવાનો વારો પણ આવ્યો છે. શેરબજારમાં લાંબા સમયના રોકાણકારોએ નોંધપાત્ર વળતર પણ મેળવ્યું છે.ચાંદી-સોનામાં ભાવવધારાના કારણે મધ્યમવર્ગનાં અનેક કુટુંબો સમૃદ્ધ થયા છે. મધ્યમવર્ગીય&nbsp; પરિવારોએ શેરબજારમાં ઇન્વેસ્ટ કર્યું હોય કે ન કર્યું હોય, પણ સૌના ઘરમાં વત્તે-ઓછે અંશે સોનું અને ચાંદી જરૂર હોય છે. ચાંદી મધ્યમવર્ગનું સોનું કહેવાતી હતી, કેમ કે સોનાના ભાવની સરખામણીમાં ચાંદી સસ્તી રહેતી હતી. હવે સ્થિતિ બદલાઇ છે. ચાંદીના ભાવો બહુ ઉછળતા પોતાના ઘરમાં રહેલી ચાંદીની કેટલી કિંમત થઇ તેની ગણતરી કરતા લોકો થઈ ગયા છે.&nbsp;ભારતનો મધ્યમવર્ગ હવે બે દાયકા પહેલાં હતો તેવો નથી રહ્યો. મધ્યમવર્ગનાં સંતાનો સ્કોલરશિપ લઈને ઉચ્ચ શિક્ષણ માટે વિદેશ જાય છે અને ત્યાં કરીઅરની શરૂઆત કરે છે. સંતાનો પોતાનાં માતાપિતાને વિદેશની ટ્રીપ પર મોકલતા થયા છે. પહેલાંની તુલનામાં મધ્યમવર્ગ દેશના રાજકારણમાં હવે ઘણો વધારે રસ લે છે, જેને કારણે મતદાન પણ વધ્યું છે.&nbsp;મધ્યમ વર્ગના અનેક લોકો પોતાના મનમાં રમતા બિઝનેસ કરવાના સપનાંને પૈસાના અભાવે દબાવી દેતા હોય છે, પરંતુ હવે સ્ટાર્ટઅપ શરૂ કરવા માગતા લોકોને મળતી લોન મળવામાં સરળતા થઈ છે, તેમજ એમએસએમઇ સેક્ટરમાં પેમેન્ટની રાહતો વધી છે. તેથી મધ્યમ વર્ગ સ્ટાર્ટઅપ ક્ષેત્રમાં ઝંપલાવતો થયો છે. મધ્યમવર્ગ હવે પહેલાં જેવો લાચાર નથી, તે જોખમ ઉઠાવતો થયો છે, સરકારનાં ખોટાં પગલાંની ટીકા કરતો પણ થયો છે.&nbsp;મધ્યમવર્ગે હવે ઉચ્ચ મધ્યમવર્ગમાં સ્થાન પામવા ગતિ વધારી દીધી છે. તે વધુ કમાતો થયો છે. પૈસાદાર લોકોનાં સંતાનોની હરોળમાં પોતાના સંતાનો પણ ઊભાં રહે તેવા પ્રયાસો મધ્યમવર્ગીય માતાપિતાઓ કરે છે.&nbsp;મધ્યમ વર્ગનું પહેલું સપનું ઘરનું ઘર હોય છે. બેંકોએ હાઉસિંગ લોનની વિધિઓ પ્રમાણમાં આસાન બનાવીને, વ્યાજદર ઘટાડીને લોન આપવાનું શરૂ કર્યું ત્યારથી લોકો પોતાની માલિકીના ફ્લેટ માટે કેટલાંય વર્ષો સુધી હપ્તા ભરવા તૈયાર થવા માંડયા છે. હા, બેરોજગારીની સમસ્યા મધ્યમવર્ગને વિશેષ નડી રહી છે. અનિશ્ચિત નોકરીઓ અને હવે તો આર્ટિફિશિયલ ઇન્ટેલિજન્સના કારણે ઘટી રહેલી જોબની સમસ્યાથી મધ્યમવર્ગ પીડાઇ રહ્યો છે.કોઇ પણ સરકારને મધ્યમવર્ગની ઉપેક્ષા કરવી પોષાય એમ નથી. સ્વાભાવિક છે કે બજેટમાં મધ્યમવર્ગને ક્યાં કેટલી રાહત અપાય છે તે પરથી બજેટની લોકપ્રિયતા નક્કી થશે.

Gujarat Samachar Prasangpat 31 January 2026

Prasangpat

<img src="https://static.gujaratsamachar.com/content_image/content_image_63e5cc36-00eb-4f7c-8a60-38b642e60609.jpeg" data-filename="agdam-cartoon.jpg"> - અગડમ્ બગડમ્-બાબા આદમ - જે તંત્ર વર્કિંગ ડેએ ખાસ કામ નથી કરતું તે રવિવારે બજેટ રજૂ કરવાનું કામ કરી દે એ મોટો ચમત્કાર...અલ્પમતિ: ગુરૂજી, આ વખતે બજેટ માટે કોઈ ખાસ આગાહી?&nbsp;મૂઢમતિ: બચ્ચા, આ વખતે બજેટમાં મોટો ચમત્કાર થવાનો છે.&nbsp;અલ્પમતિ : હેં ગુરૂજી,&nbsp; ખરેખર? આ વખતે ખરેખર બજેટમાં પ્રજાનું કલ્યાણ-કલ્યાણ થઈ જવાનું છે?&nbsp;મૂઢમતિ: મૂરખ, બજેટ અધિકારીઓ બનાવતા હોય છે. જાદુગરો નહીં. એવો જાદુ કોઈ કરી શકે નહીં.&nbsp;અલ્પમતિ: ગુરૂજી, આ તો તમે ચમત્કારની વાત કરી ને એટલે! મને એમ કે ૭૮ વર્ષથી જે ચમત્કાર નથી થયો તે હવે થશે.&nbsp;મૂૂઢમતિ: બેટા, દેશમાં હાલ પાંચ-દસ હજાર વર્ષથી નથી થયું એવું બધું કામ કરવાનો યુગ ચાલે છે. તું ૭૮ વર્ષનાં રોદણાં રોવાનું રહેવા દે.&nbsp;અલ્પમતિ: ગુરૂજી, તમે હવે પાંચ-દસ હજાર વર્ષમાં શું થયું ને શું નથી થયું તેનું લાંબુ પ્રવચન કરવાને બદલે કહી જ દો કે આ બજેટમાં કયો ચમત્કાર થવાનો છે?&nbsp;મૂઢમતિ: માય ડિયર અનુયાયી, તને ખ્યાલ હોવો જોઈએ કે આ વખતે બજેટ રવિવારના દિવસે રજૂ થવાનું છે. જે સરકારી તંત્ર સોમથી શુક્રના વર્કિંગ ડેએ પણ ખાસ કામ કરતું નથી તે રવિવારે બજેટ જેવું બજેટ રજૂ કરી દેવાનું છે.બોલ, આ કાંઈ જેવો તેવો&nbsp;ચમત્કાર છે?&nbsp;&nbsp;અલ્પમતિ:&nbsp; ગુરુજી, મને તો એવી ચિંતા થાય છે જે સરકારી કર્મચારીઓની રવિવારની રજા બગડી એના&nbsp; નિસાસાની અસર તો બજેટમાં નહીં વર્તાયને?&nbsp;મૂઢમતિ: ડફોળ, આ દેશમાં એકવાર કોઈ સરકારમાં મંત્રી કે અધિકારી કે કર્મચારી તરીકે પણ ગોઠવાઈ જાય એટલે&nbsp; તેમણે આજન્મ નિસાસા નાખવાના હોતા નથી. નિસાસા તો ફક્ત ને ફક્ત જનતા જનાર્દને જ નાખવાના હોય છે.&nbsp;અલ્પમતિ: ગુરૂજી, જવા દો.&nbsp; આ વખતે રવિવારે&nbsp; બજેટ છે એ નિમિત્તે કોઈ ખાસ ટિપ આપો.મૂઢમતિ: જો બજેટ રવિવારના દિવસે છે તેનો મતલબ એ કે મગજને તો રજા પર જ રાખવાનું છે.&nbsp;અલ્પમતિ : હેં ગુરૂજી? આ તમે શું કહો છો? તમે દેશદ્રોહી વાતો કરો છો? તમારો કહેવાનો મતલબ એવો છે કે સરકારી તંત્ર મગજને રજા પર રાખીને બજેટ આપવાનું છે?&nbsp;મૂઢમતિ: ઓ મૂરખ... મૂરખ... મારો કહેવાનો મતલબ એ છે કે જનતાએ આ દિવસને મગજને રજા પર રાખવાનું છે. ગમે ત્યારે , ગમે તેટલું, ગમે તેવું બજેટ આવે પણ પ્રજાનો ઉદ્ધાર તો જે ગતિએ જ્યારે જેટલો થવાનો હશે ત્યારે તેટલો જ થશે. એટલે&nbsp; બજેટ વિશે ઝાઝું પિષ્ટપેષણ કરવાનું નહીં. મગજને આરામ જ આપવો.&nbsp;અલ્પમતિ: ગુરૂજી, પ્રજા તો ૭૮ વર્ષથી મગજને આરામ જ આપતી આવી છે. નહીં તો બજેટની જાહેરાતોને વધાવી લેવાની સાથે સાથે વર્ષના અંતે બજેટ ખરેખર ક્યાં કેટલું કેવી રીતે વપરાયું તેનો હિસાબ પણ ન માગે?&nbsp;ગુરૂજી જવાબ આપવાને બદલે સમાધિમાં ઉતરી ગયા.&nbsp;આદમનું અડપલુંકયું ઘર બજેટ પ્રમાણે ચાલ્યું છે, તે દેશ ચાલે!

Gujarat Samachar Agadam Bagdam-Baba Adam 31 January 2026

BUDGET 2026 NEWS