વિકરાળ શિકારી શાર્કનું અજબગજબ

- સમુદ્રી જીવોમાં શાર્ક સૌથી વધુ હિંસક અને વિકરાળ માછલી છે. તેની ઘણી જાત છે. દરેક જાતની શાર્ક જુદી જુદી અજાયબ વિશેષતા ધરાવે છે.

- ગ્રેટ વ્હાઇટ શાર્કના જડબા ભીડાય ત્યારે દસ ચોરસ ઇંચે ૩૦ ટન જેટલું દબાણ કરે છે. લોખંડની વસ્તુને પણ કચડી નાખે છે.

- ટાઈગર શાર્કના દાંત મોં બંધ હોય ત્યારે સરકીને પેઢામાં ઉતરી જાય છે. મોં ખોલે ત્યારે દાંત બહાર આવે છે.

- લેમન શાર્કના દાંત દર અઠવાડિયે પડી જાય અને નવા ઊગે છે.

- બાસ્કિંગ શાર્કના દાંત કાંસકા જેવા હોય છે. તે પાણીનો મોટો કોગળો ભરીને જડબું બંધ કરે એટલે પાણી બહાર નીકળી જાય અને તેમાં રહેલી માછલીઓ તેનાં મોંમાં જ રહે છે.

- કદાવર શાર્કના શરીરમાં હવાની કોથળી હોતી નથી એટલે તેને સતત તરતાં રહેવું પડે, અટકે તો ડૂબી જાય.

- શાર્કનાં બચ્ચાં ગર્ભમાં હોય ત્યારે એક બીજાને ખાઈ જાય છે. બાકીના ૧૦ થી ૧૨ બચ્ચાં જ જન્મે છે તે પાંચ ફૂટ લાંબા હોય છે.

- શાર્ક વિશ્વભરના સમુદ્રમાં પ્રવાસ કરે છે તે ૭૦ કિલોમીટરની ઝડપે તરે છે.

- શાર્કની આંખો, નાક અને કાન, શક્તિશાળી હોય છે. તે આંખોથી અનેક રંગ પારખી શકે છે. દૂરના અવાજ સાંભળી શકે છે. અને ઘણે દૂરથી લોહીની ગંધ પારખી શકે છે.