અજાયબ દરિયાઈ જીવ : ઓકટોપસ

ઓ કટોપસ દરિયામાં રહેતો હાડકાં વિનાનો આઠ પગવાળો અજાયબ જીવ છે.

- ઓકટોપસના ગોળાકારમાથામાંથી ચારે તરફ ફેલાઈ શકે તેવા આઠ પગ હોય છે. આઠે પગની બંને તરફ શોષક ગ્રંથિઓ હોય છે.

- ઓકટોપસ ગમે તેવી સાંકડી જગ્યામાં ઘૂસી શકે છે.

- ઓકટોપસના માથામાં બે ગોળાકાર આંખો અને પોપટની ચાંચ જેવી મજબૂત ચાંચ હોય છે.

- ઓકટોપસને ત્રણ હૃદય હોય છે.

- સૌથી મોટું ઓકટોપસ જાયન્ટ પેસિફિક ઓકટોપસ ચાર મીટરનો ઘેરાવો અને ૧૫ કિલો વજન ધરાવે છે.

- ઓકટોપસ દરિયાઈ જીવોમાં બુધ્ધિશાળી જીવ છે.

- ઓકટોપસ અન્ય શિકારી જળચરથી બચવા શરીરનો રંગ બદલી શકે છે.

- ઓકટોપસ શિકારી પ્રાણીને ભયભીત કરવા કાળા રંગની શાહી જેવો ફૂવારો છોડી પોતાની આસપાસ કાળું વાદળ રચી ભાગી છૂટે છે.

- માદા ઓકટોપસ એક સાથે બે લાખ ઇંડા મૂકે છે.