મારું ગામ .

આજુ બાજુ રણ નથી ને નામ એનું ડ-રણ,

ઘર છોડીને નીકળું ત્યારે રુકે મારા ચરણ.

આંબલી પીપળી રમતાં 

રમતાં ઝાડ ઉપર ચડતા,

કદીક છલાંગ મારીને ભફ... દઇને પડતા.

સંતાકૂકડી રમવાની બહુ બહુ મજા પડતી !

માથે કાળી રાત હોય કે ઠંડી હોય કકળતી !

દોસ્તો સાથે ધીંગામસ્તી કરતા વારંવાર રે,

થાક્યા પાક્યા ઊંઘીએ ત્યારે વહેલું પડે સવાર રે !

નાના હતા ત્યારે દેતું મૂંગી રીતે સાથ રે,

મોટા થઇને છોડું ત્યારે ખેંચે મારો હાથ રે !

- રામુ ડરણકર