ઝીરો માર્કસ
પપ્પુને ટેસ્ટમાં ઝીરો માર્ક આવ્યા. મમ્મી ગુસ્સાથી રાતીપીળી થઈ ગઈ.
પપ્પુ રડતા રડતા કહે,
'પણ મેં તો બધા
જવાબ લખ્યા હતા...'
બીજા દિવસે મમ્મી સ્કૂલે ગઈ. ટીચરને પૂછ્યું: 'મારા દીકરાને મીડંુ કેમ આપ્યું? એણે તો આખું પેપર લખ્યું હતું.'
ટીચર કહે: 'પણ પેપરમાં શું લખ્યું હતું એ તો જુઓ!'
ટીચરે પપ્પુનું આન્સર પેપર મમ્મીને જોવા આપ્યું.
સવાલ-જવાબ કંઈક આવા હતા:
સવાલ: ટીપુ સુલતાન કયા યુદ્ધમાં માર્યો ગયો?
જવાબ: એના છેલ્લા યુદ્ધમાં.
સવાલ: સ્વતંત્રતાના ઘોષણાપત્ર ક્યાં કરવામાં આવ્યો હતો?
જવાબ: પાનામાં એકદમ નીચે.
સવાલ: મહાત્મા ગાંધીનો જન્મ ક્યારે થયો હતો?
જવાબ: એમના બર્થડે પર.
સવાલ: છ માણસો વચ્ચે આઠ કેરી કેવી રીતે વહેંચશો?
જવાબ: મેન્ગો શેક બનાવીને.
સવાલ: ભારતમાં સૌથી વધારે બરફ ક્યાં જોવા મળે છે?
જવાબ: ડ્રીંક્સના ગ્લાસમાં.
...ને પછી મમ્મીએ પપ્પુને જે ધીબેડયો છે!
