બહાદુર રાજા .

- 'મિત્રો, એક સાચા રાજા માટે હિંમત વધારે મહત્વની વાત છે- તેનાં માટે મિત્રોને બચાવવાની ફરજ છે. આપણે એકબીજાને મદદરૂપ થઈએ તો જ પ્રેમ વધે.'

- કિરણબેન પુરોહિત 

સું દરવનનો રાજા એક ખૂબ બહાદૂર સિંહ હતો તેનુ નામ મંગલ સિંહ હતું. આખા જંગલમાં તેનાં ખૂબ વખાણ થતાં પણ સમય જતાં મંગલ સિંહ વૃદ્ધ થઇ ગયો તે હવે માંડ માંડ ચાલી શકતો, આથી તેનો પુત્ર લાલુ સિંહ તેનાં માટે ખોરાક લઇ આવતો. લાલુ તેનાં પિતા જેવો બહાદુર ના હતો. તે ડરપોક હતો. તેનાં પિતાની બહાદુરી જોઈને બધાએ તેને રાજા બનાવી દીધો.

એક દિવસ લાલુ અને તેના મિત્રો, કાલું કાગડો, ઝૂમો ઝીરાફ, ભોલું હાથી, ગોલુ વાંદરો અને દીપુ શિયાળ બધા સાથે જંગલમાં ફરવા ગયા. ફરતા ફરતા તેઓ એક ગુફા આગળ પહોંચી પહોંચી ગયા. ગુફા ખૂબ ડરામણી હતી. ગુફામાં એકદમ અંધારું હતું. આગળ જવાનો રસ્તો ગુફામાંથી હતો. બધા ખૂબ ડરી ગયાં.

ભોલું હાથી બોલ્યો, 'હવે શું કરવું? આપણે પાછા જતાં રહીએ?'

કાલુ કાગડો હસીને બોલ્યો, 'હું તો ઊડીને પરત જઈ શકું છું, પણ તમે? સિંહ તો જંગલનો રાજા છે! લાલુ, તું પણ આ અંધારાથી ડરે છે?'

લાલુએ ચુપચાપ કાલુ કાગડાને જોઈને કહ્યું, 'હા, હું જરા ડરતો છું.'

ઝૂમો જીરાફ બોલ્યો, 'લાલુ, તું સિંહ છે! તારી અંદર હિમ્મત છે. 

જો તું ડર પર કાબુ મેળવશે તો તું સાચો રાજા બનિશ.'

લાલુએ પોતાનું મન મજબૂત કર્યું અને કહ્યું, 'હા, હું કરીશ!' તે બધાને લઈને આગળ વધ્યો અને ગુફામાં દાખલ થયો. ભલે ગુફામાં અંધારું હતું, પણ લાલુ હિંમતથી ચાલતો રહ્યો. થોડી જ પળોમાં તે ગુફામાંથી બહાર આવી ગયો.

ત્યારે તેના મિત્રો ખુશ થઈને બોલ્યા, 'લાલુ, તું તો વાસ્તવમાં બહાદુર છે!' 

લાલુ ખુશ થઈને બોલ્યો, 'હા, જો આપણે હિંમત કરીએ તો કોઈ પણ કામ મુશ્કેલ નથી.'

અને આમ, લાલુએ જાણ્યું કે હિંમત સાથે દરેક ડરને જીતવો શક્ય છે. 

અને લાલુ હવે તેના હિંમતવાળો રાજા બની ગયો! 

લાલુના આ અનુભવ પછી, તે વધારે જ સમજદાર અને તાકાતવર બની ગયો. જંગલમાં બધા જાનવર હવે લાલુની હિંમતની પ્રશંસા કરતા.

એક દિવસ, જંગલમાં એક મોટું તોફાન આવ્યું. ઝાડ નીચે પડી ગયા, નદીઓમાં પૂર આવી ગયું, અને બધા જાનવર ડરી ગયા. લાલુ અને તેના મિત્રો ઝાડ નીચે છુપાયા, પરંતુ ગોલુ વાંદરો ગાયબ હતો. દિપુ શિયાળને તેની ચિંતા થઇ તેણે કહ્યું, 'અરે! ગોલુ ક્યાં ગયો?'

કાલું કાગડો બોલ્યો, 'હવે શું કરવું? તોફાન બહુ જ જોરદાર છે.'

લાલુએ ચિંતાથી બધું જોયું, અને ત્યાર બાદ તે બોલ્યો, 'હું તો જંગલનો રાજા છું! હું ગોલુને શોધી લાવું!'

ભોલું હાથી અને કાલુ કાગડો, બંનેે લાલુને સમજાવવાનો પ્રયત્ન કર્યો, 'આવા ખતરનાક તોફાન છે, તો બહાર જવાનું જોખમ છે.'

પરંતુ લાલુએ પોતાની હિંમતને બળ આપી, અને તોફાનની સામે ચાલતો ગયો. ઝાડ, પાન, અને બરફ તેના પર પડતા હતા, પણ લાલું હિંમત ના હાર્યો આગળ વધીને લાલુએ ગોલુ જોઈ લીધો. ગોલુ એક મોટા પથ્થર નીચે ફસાઈ ગયો હતો. 

લાલુએ બલથી પથ્થરને હટાવ્યો અને ગોલુને બચાવી લીધો. 

તેઓ બન્ને હિંમતથી પાછા આવ્યા. બધા જાનવરો લાલુને જોઈ ખુશ થયા. 

ભોલું, કાલુ કાગડો અને બધા મિત્રો બોલ્યા, 'લાલુ, તું તો વાસ્તવમાં જંગલનો સાચો રાજા છે! તારી હિંમત અને મિત્રતા જોઈને અમને બધાને ખૂબ આનંદ થયો' 

લાલુને આ સાંભળી આનંદ થયો, પરંતુ તે બોલ્યો, 'મિત્રો, એક સાચા રાજા માટે હિંમત વધારે મહત્વની વાત છે- તેનાં માટે મિત્રોને બચાવવાની ફરજ છે. આપણે એકબીજાને મદદરૂપ થઈએ તો જ પ્રેમ વધે.'

આખા જંગલમાં લાલુની હિંમત અને મિત્રતાના વખાણ થવા લાગ્યાં 

લાલુ અને તેના મિત્રો હવે વધુ નજીકના ખાસ મિત્રો બની ગયા અને બધા સાથે હંમેશા ખુશ રહેવા લાગ્યું.

હિંમત, પ્રેમ અને મિત્રતાથી જીવનના દરેક તોફાનોને પાર કરી શકાય છે.