8 જિલ્લામાં ભારે વરસાદનું ઓરેન્જ એલર્ટ, 7માં યલો એલર્ટ, હવામાન વિભાગની લેટેસ્ટ આગાહી

Gujarat Weather Updates : ગુજરાત હવામાન વિભાગે નાઉકાસ્ટ હેઠળ ફરી એકવાર આગામી ત્રણ કલાક એટલે કે 10 વાગ્યાથી બપોરના 1 વાગ્યા સુધીની વરસાદની આગાહી કરી છે. આ લેટેસ્ટ આગાહી પ્રમાણે 8 જિલ્લા, બે કેન્દ્રશાસિત પ્રદેશમાં ભારે વરસાદનું ઓરેન્જ એલર્ટ જાહેર કરાયું છે. જ્યારે 7 જિલ્લામાં હળવા વરસાદનું યલો એલર્ટ જાહેર કરાયું છે.

ક્યાં ક્યાં છે ઓરેન્જ એલર્ટ
વલસાડ, નવસારી, સુરત, તાપી, છોટા ઉદેપુર, વડોદરા, ભરુચ અને નર્મદા જિલ્લા તથા કેન્દ્ર શાસિત પ્રદેશ દાદરા નગર હવેલી અને દમણમાં ભારે વરસાદનું ઓરેન્જ એલર્ટ જાહેર કરવામાં આવ્યું છે. વલસાડમાં તો સવારથી જ આગાહી પ્રમાણે ધોધમાર વરસાદની સ્થિતિ જોવા મળી રહી છે.

યલો એલર્ટ ક્યાં-ક્યાં?
બીજી બાજુ હળવા વરસાદનું યલો એલર્ટ જ્યાં જાહેર કરાયું છે તેમાં ગીર સોમનાથ, અમરેલી, ભાવનગર, આણંદ, પંચમહાલ, દાહોદ અને ડાંગ જિલ્લાનો સમાવેશ થાય છે. ઉલ્લેખનીય છે કે સવારથી આ તમામ જિલ્લામાં થોડી થોડી મેઘમહેર જોવા મળી રહી છે. આ વખતે ઉનાળુ ખૂબ જ મોડું ગુજરાત પહોંચ્યું હોવાથી લોકોની ચિંતા વધી ગઇ છે.