7000 કરોડના રોકાણ લક્ષ્ય સાથે AMC અને વર્લ્ડ બેન્ક ગ્રુપની IFC વચ્ચે MoU

- પ્રદૂષણ ઘટાડવા અંગેની સ્ટ્રેટેજી માટે મહાપાલિકાને ટેકનીકલ સપોર્ટ આપશે

Updated: Jan 29th, 2019

GS TEAM

‌

ગાંધીનગર , તા. 29 જાન્યુઆરી 2019, મંગળવાર

અમદાવાદ મહાનગરમાં આગામી 5 વર્ષ 2019 થી 2024 દરમ્યાન પર્યાવરણ જાળવણી અને ક્લાઈમેટ ચેંજ મેનેજમેન્ટ માટે 7000 કરોડના રોકાણ લક્ષ્ય સાથે અમદાવાદ મહાનગર પાલિકા અને વર્લ્ડ બેન્ક ગ્રુપની ઇન્ટરનેશનલ ફાયનાન્સ કોર્પોરેશન વચ્ચે મુખ્યમંત્રી વિજય રૂપાણીની ઉપસ્થિતીમાં MoU સંપન્ન થયા છે.

આ MoU અંતર્ગત IFC અમદાવાદ શહેર ને ક્લાઈમેટ ચેંજ થી થતી આડ અસરો તેમજ પ્રદૂષણ ઘટાડવા અંગેની સ્ટ્રેટેજી માટે મહાપાલિકાના નાણાકીય સ્ત્રોતનો સુચારુ ઉપયોગ કરવાની દિશામાં ટેકનીકલ સપોર્ટ આપશે.

એટલું જ નહીં ઈ મોબિલિટી ગ્રીન બિલ્ડિંગ્સ રિન્યુએબલ એનર્જી ટ્રાન્સપોર્ટ વેસ્ટ વોટર ટ્રીટમેન્ટ તથા વેસ્ટ ટુ એનર્જી જેવા વિષયો માં પણ ટેક્નિકલ સહાય કરશે. ટેક્નિકલ ડિઝાઇન અને નાણાકીય સહાય માટે PPP ધોરણે મદદ આપશે.

આ MoUને પરિણામે અમદાવાદ મહાનગર દેશભરમાં પર્યાવરણ જાળવણી પ્રદુષણ નિયંત્રણ અને લો ગ્રીન હાઉસ ગેસ ઇમિશન્સ ડેવલમેન્ટ સ્ટ્રેટેજીના અમલમાં મોડેલ સિટી તરીકે પ્રસ્થાપિત કરવાની દિશામાં ગતિ મળશે.

આ MoU સાઇનિંગ વેળાએ અમદાવાદના મેયર બીજલ બહેન પટેલ સ્ટેન્ડિંગ કમિટી ચેરમેન અમુલભાઈ પક્ષના નેતા અમિત ભાઈ શાહ તેમજ મુખ્ય મંત્રીના અગ્ર સચિવ એમ.કે. દાસ શહેરી વિકાસ અગ્ર સચિવ મુકેશ પુરી મ્યુ. કમિશનર વિજય નહેરા તેમજ મહાપાલિકાના નાયબ કમિશ્નરો અને IFCના પ્રતિનિધિઓ પણ જોડાયા હતા.