IND vs ENG: કેપ્ટન બનતા જ શુભમન ગિલનો ધમાકો, ઈંગ્લેન્ડ સામેની ટેસ્ટમાં ફટકારી સદી
Updated: Jun 20th, 2025
GS TEAM
IND vs ENG: ઈંગ્લેન્ડ સામે લીડ્સ ટેસ્ટ મેચના પહેલા દિવસે (20 જૂન) ભારતીય ટીમે ત્રણ વિકેટ પર 359 રન બનાવ્યા છે. પહેલા દિવસે ભારતીય બેટરોનું ધમાકેદાર બેટ્સમેન જોવા મળ્યું છે. પહેલા બેટર યશસ્વી જયસ્વાલે પોતાના ટેસ્ટ કરિયરની પાંચમી સદી ફટકારી. પછી કેપ્ટન શુભમન ગિલે પણ સદી ફટકારી છે. શુભમન ગિલે 14 ફોર અને એક સિક્સરની મદદથી 140 બોલ પર સદી પૂર્ણ કરી. શુભમનના ટેસ્ટ કરિયરની આ છઠ્ઠી સદી રહી.
જણાવી દઈએ કે, ટેસ્ટ કેપ્ટન બન્યા બાદ શુભમન ગિલનો આ પહેલો મુકાબલો છે. તેવામાં તેમની આ સદી યાદગાર રહેશે. શુભમન પૂર્વ કપ્તાન વિરાટ કોહલીની નિવૃત્તને લઈને પહેલીવાર ટેસ્ટ ક્રિકેટમાં ચોથા નંબર પર બેટિંગ કરવા ઉતર્યા હતા. શુભમને સદી ફટકારીીને હાલ તેમની કમી પૂર્ણ કરી દીધી છે.
શુભમન ગિલે પહેલીવાર ઈંગ્લેન્ડની ધરતી પર ટેસ્ટ ક્રિકેટમાં સદી ફટકારી છે. શુભમને આ પહેલા ઈંગ્લેન્ડની ધરતી પર માત્ર એક ટેસ્ટ મેચ રમી હતી, જેમાં તેમણે 17 અને 4 રન બનાવ્યા હતા. જોવામાં આવે તો શુભમનની SENA (સાઉથ આફ્રિકા, ઈંગ્લેન્ડ, ન્યૂઝીલેન્ડ અને ઓસ્ટ્રેલિયા) દેશોમાં આ પહેલી ટેસ્ટ સદી રહી.
શુભમન ગિલ એવા ચોથા ભારતીય કેપ્ટન છે, જેમણે કેપ્ટન તરીકે પોતાની ડેબ્યૂ ટેસ્ટ ઈનિંગમાં સદી ફટકારી છે. શુભમન પહેલા વિજય હજારે, સુનીલ ગાવસ્કર અને વિરાટ કોહલી જ આવી કરી શક્યા હતા. શુભમન ગિલ કેપ્ટન તરીકે પોતાની પહેલી ઈનિંગમાં સદી ફટકારનારા 23માં ખેલાડી છે. સાથે જ તેઓ હર્બી ટેલર, એલિસ્ટેયર કુક અને સ્ટીવન સ્મિથ બાદ ચૌથી સૌથી યુવા કેપ્ટન પણ છે.
યશસ્વી જયસવાલની ઐતિહાસિક સદી
શુભમન ગિલ અને યશસ્વી જયસ્વાલે શાનદાર પ્રદર્શન કર્યું છે. યશસ્વી 153 બોલમાં 100 રન ફટાકર્યા છે. જેમાં 1 સિક્સર અને 16 ફોર સામેલ છે. યશસ્વીના ટેસ્ટ કરિયરની આ 5મી સદી રહી છે. ઈંગ્લેન્ડ વિરૂદ્ધ જયસ્વાલની આ છઠ્ઠી મેચ છે.
યશસ્વી આવું કરનારા પહેલા ભારતીય ઓપનર
યશસ્વી જયસ્વાલે આ સદીની સાથે એક ખાસ રેકોર્ડ પોતાના નામે કરી લીધી છે. આ લીડ્સ મેદાન પર સદી લગાવનારા ભારતના પહેલા ઓપનર બની ગયા છે. આ અગાઉ કોઈપણ ભારતીય ઓપનર આ કારનામું નથી કરી શક્યો. યશસ્વીના ટેસ્ટ કરિયરની આ માત્ર 20મી મેચ જ છે અને તેઓ અત્યાર સુધી 5 સદી ફટકારી ચૂક્યા છે. જેમાં 3 સદી તેમણે ભારતની બહાર લગાવી છે.
