એક T20 મેચમાં 41 સિક્સર ફટકારાઈ, બનાવ્યા 465 રન, બોલરોને ધોઈ નાખ્યા

Bulgaria vs Gibraltar T20: ટી-20 ક્રિકેટમાં રનોનો વરસાદ ગમે ત્યારે થઈ શકે છે. બેટર જ્યારે પણ ફોર્મમાં આવે, તો બોલરને વિકેટ લેવી મુશ્કેલી પડી જાય છે. ત્યારે ACN T20 સીરિઝની એક મેચે આ વાતને સાબિત પણ કરી દીધી છે. બલ્ગેરિયાની રાજધાની સોફિયામાં 10 જુલાઈથી શરૂ થયેલી બલ્ગેરિયા, જિબ્રાલ્ટર અને તૂર્કિયે વચ્ચે રમાતી ટ્રાઇ સીરિઝના પહેલા દિવસે બે મેચ રમાઈ હતી. શુક્રવારે બલ્ગેરિયા અને જિબ્રાલ્ટર વચ્ચે રમાયેલી મેચમાં રેકોર્ડબ્રેક રન બન્યા હતા, જેને ટી-20 સીરિઝના અનેક જૂના રેકોર્ડને પાછળ છોડી દીધા છે. આ મેચમાં બેટરે બોલરની કમરકસી હતી અને રન બનાવવાની સ્પીડ એટલી ફાસ્ટ હતી કે ટી-20ના ઇતિહાસમાં સૌથી વધારે રન રેટ નોંધાયો છે.

આ હાઈસ્કોરિંગ મેચમાં પહેલાં બેટિંગ કરતાં જિબ્રાલ્ટરે 20 ઓવરમાં 7 વિકેટ ગુમાવીને 243 રન બનાવ્યા. ટીમના સલામી બેટર ફિલ રેક્સે માત્ર 33 બોલમાં 73 રનની ઇનિંગ રમી, જેમાં તેણે ચાર ચોગ્ગા અને આઠ છક્કા લગાવ્યા. કેપ્ટન ઇયન લેટિનએ મહત્ત્વપૂર્ણ યોગદાન આપતાં 28 બોલમાં 51રન બનાવ્યા, જેમાં 7 ચોગ્ગા અને 2 છક્કા સામેલ હતા. લુઇસ બ્રૂસે 24 રન અને ક્રિસ પાઇલે 22 રનની ઈનિંગ્સ રમી હતી. બલ્ગેરિયાની તરફથી જેકબ ગુલે શાનદાર પ્રદર્શન કરતાં ચાર ઓવરમાં 37 રન આપીને ચાર વિકેટ લીધી. 

બલ્ગેરિયાના બેટરોએ રનોનો વરસાદ કર્યો 

જિબ્રાલ્ટરને લાગ્યું કે તેઓ આ સ્કોરનું સરળતાથી બચાવ કરી લેશે, પરંતુ બલ્ગેરિયાના ઓપનર ઇસા જારુ અને કેપ્ટન ક્રિસ્ટો લાકોવે શરૂઆતમાં જ 4.2 ઓવરમાં 62 રન જોડી દીધા. લાકોવ 19 રન બનાવીને આઉટ થયા, પરંતુ જારુ અને મિલાન ગોગેવે છઠ્ઠી ઓવરમાં 4 છક્કા લગાવીને પાવરપ્લે સ્કોરને 89/1 પર પહોંચાડી દીધો. જારુએ 24 બોલમાં 69 રન બનાવીને આઉટ થયા, પરંતુ ત્યારબાદ પણ બોલર બેટરનો ફોર્મ તોડી શક્યા નહીં. 7થી 11મી ઓવર સુધી દરેક ઓવરમાં એક છક્કો તો બેટર ફટકારતા જ હતા. 12મી ઓવરમાં સ્કોર 194/2 હતો, જ્યારે ગોગેવે 27 ગેંદોમાં 69 રન બનાવીને આઉટ થયા. પછી વિકેટકીપર મનન બશીરે સતત 4 છક્કા ફટકાર્યા, અને તેની બીજી ઓવરમાં ત્રણ રન જોડી દીધા. તેણે 21 બોલમાં 70 રન બનાવ્યા અને જીત પહેલાં આઉટ થયા. બલ્ગેરિયાએ 14.2 ઓવરમાં 244/3 બનાવીને જીત નોંધાવી.