VIDEO: 'બોરિંગ ક્રિકેટમાં સ્વાગત છે...', શુભમન ગિલે ચાલુ મેચમાં ઈંગ્લેન્ડના ખેલાડીઓને ખિજવ્યા

Shubman Gill Sledges English Batters: શુભમન ગિલની કેપ્ટનશીપ હેઠળ ભારતીય ક્રિકેટ ટીમે એજબેસ્ટન ટેસ્ટ મેચમાં ઇંગ્લેન્ડને 336 રનથી હરાવ્યું હતું. હવે ભારતીય ટીમ લંડનના લોર્ડ્સ ક્રિકેટ ગ્રાઉન્ડ પર ઇંગ્લેન્ડ સામે વર્તમાન ટેસ્ટ સિરીઝની ત્રીજી મેચ રમી રહી છે. 10 જુલાઈથી શરૂ થયેલી આ મેચમાં ઇંગ્લેન્ડની ટીમે ટોસ જીતીને પ્રથમ બેટિંગ કરવાનો નિર્ણય લીધો હતો.

બોરિંગ ક્રિકેટમાં સ્વાગત છે...

એવામાં તાજેતરના વર્ષોમાં ઇંગ્લેન્ડની ક્રિકેટ ટીમે ટેસ્ટમાં જે પ્રકારે રમી રહી છે, તેના કારણે તેની ઈમેજ આક્રમક બેટિંગ કરતી ટીમ બની ગઈ છે. પરંતુ લોર્ડ્સમાં ચાલી રહેલી ત્રીજી ટેસ્ટ મેચમાં ઇંગ્લેન્ડના બેટર્સ તેમની ઈમેજથી વિપરીત રીતે બેટિંગ કરતા જોવા મળ્યા હતા. આ જોઈને ભારતીય કેપ્ટન શુભમન ગિલ પણ પ્રતિક્રિયા આપતા પોતાને રોકી શક્યો નહીં. તેણે મેદાનની વચ્ચે ઇંગ્લેન્ડની ટીમની મજાક ઉડાવી અને કહ્યું, 'હવે આ કોઈ મનોરંજક ક્રિકેટ નથી રહી, બોરિંગ ટેસ્ટ ક્રિકેટમાં આપનું સ્વાગત છે.'

ભારતીય બોલરો સામે પહેલી બે વિકેટ ગુમાવ્યા બાદ, જો રૂટ અને ઓલી પોપ સાવધાનીપૂર્વક રમી રહ્યા હતા. આ દરમિયાન, તે ઘણી વખત આઉટ થવાથી પણ બચી ગયો. આ દરમિયાન, બીજા સેશનમાં ઇંગ્લેન્ડનો સ્ટ્રાઇક રેટ ઘણો નીચે ગયો હતો. 24 ઓવરમાં ફક્ત 70 રન જ બનાવી શક્યો હતો. ત્યારબાદ ગિલે વિરોધી બેટર્સ પર દબાણ લાવવા માટે આ વાત કહી.

આ પણ વાંચો: ના હોય! વનડેમાંથી પણ કપાઈ શકે છે રોહિત શર્માનું પત્તું, ગિલને સોંપાઈ શકે સુકાન: રિપોર્ટ

પ્રથમ દિવસના અંત પછી ઇંગ્લેન્ડ સારી સ્થિતિમાં 

લોર્ડ્સ ખાતે રમાઈ રહેલી પ્રથમ ટેસ્ટ મેચના પ્રથમ દિવસના અંત પછી, ઇંગ્લેન્ડની ટીમ સારી સ્થિતિમાં છે. પ્રથમ સેશનમાં બે વિકેટ ગુમાવ્યા બાદ જો રૂટ (અણનમ 99) અને ઓલી પોપ (44) એ ઇનિંગ્સને સારી રીતે સંભાળી.

જોકે 50મી ઓવરમાં પોપ આઉટ થયા પછી ભારતીય બોલરોએ ફરી એકવાર વિરોધી ટીમ પર દબાણ લાવવાનો પ્રયાસ કર્યો. ત્યારબાદ ભારતીય ટીમને હેરી બ્રુક (11) ના રૂપમાં ચોથી સફળતા પણ મળી.

પરંતુ તે પછી, ક્રીઝ પર આવેલા કેપ્ટન બેન સ્ટોક્સ (અણનમ 39) એ તેના સૌથી મોટા ખેલાડીને સારી રીતે ટેકો આપ્યો. પ્રથમ દિવસના સ્ટમ્પ સુધી ઇંગ્લેન્ડનો સ્કોર ચાર વિકેટના નુકસાન પર 251 રન છે. ભારત માટે, નીતિશ રેડ્ડીએ બે વિકેટ લીધી છે, જ્યારે બુમરાહ અને જાડેજાએ એક-એક વિકેટ લીધી છે.